ઓમિક્રોનના કેસ વધતાં દિલ્હીમાં શનિ-રવિ લોકડાઉન
દિલ્હીમાં કોરોના અને ઓમિક્રોનનાં વધતાં સંક્રમણને કારણે વીકેન્ડ લોકડાઉન લગાવવામાં આવ્યું છે. વીકેન્ડ લોકડાઉનમાં શનિવાર અને રવિવારે સમગ્ર દિલ્હી બંધ રહેશે. દિલ્હીના નાયબ મુખ્યમંત્રી મનીષ સિસોદિયાએ જણાવ્યુ હતુ કે દિલ્હી ડિઝાસ્ટર મેનેજમેન્ટ ઓથોરિટી (DDMA)ની બેઠકમાં આ નિર્ણય લેવામાં આવ્યો હતો. દિલ્હીમાં તમામ સરકારી ઓફિસોમાં વર્ક ફ્રોમ હોમ જાહેર કરવામાં આવ્યુ છે.
સિસોદિયાએ વધુમાં જણાવ્યુ હતુ કે જરુરી સેવાઓને બાદ કરતા તમામ સરકારી ઓફિસોમાં કર્મચારીઓને વર્ક ફ્રોમ હોમ કામ કરશે. જ્યારે પ્રાઈવેટ ઓફિસો 50% કર્મચારીઓ સાથે કામ કરશે. દિલ્હીમાં સોમવારે 4099 કોરોના કેસ મળી આવ્યા હતા અને પોઝિટિવિટી દર વધીને 6.46% થયો છે.