દુનિયાના ૮ એવા દેશ જ્યાં મુસ્લિમ વસ્તી હોવા છતાં કોઈ મસ્જિદ બનાવી શકયું નથી

નવી દિલ્હી, ફ્રાન્સ અને ઇટાલી વચ્ચે સ્થિત મોનાકો વિશ્વનો બીજો સૌથી નાનો દેશ છે. મોનાકો યુરોપ મહાદ્વીપનો એક નાનકડો દેશ છે, જે ટેક્સ ફ્રી દેશ હોવાની સાથે તેની વૈભવી જીવનશૈલી અને કેસિનો માટે પ્રખ્યાત છે. વિશ્વના અન્ય કોઈપણ દેશ કરતાં તેની માથાદીઠ કરોડપતિઓ વધુ છે. જો કે અહીં તમામ ધર્મના લોકો રહે છે, પરંતુ અહીં માત્ર ચર્ચ છે અને અન્ય કોઈ ધાર્મિક સ્થળો નથી. અહીં મુસ્લિમો પણ રહે છે. કેટલાક પ્રખ્યાત અને શ્રીમંત મુસ્લિમો પણ રહે છે.

જો કે અહીં કોઈ મસ્જિદ નથી. તેમ જ નજીકના ભવિષ્યમાં બનવાની કોઈ શકયતા પણ નથી. વેટિકન સિટી યુરોપ ખંડમાં સ્થિત એક દેશ છે, જે પૃથ્વી પરનો સૌથી નાનો દેશ છે. આ રોમન કેથોલિક ચર્ચનું કેન્દ્ર છે, જે ખ્રિસ્તી ધર્મના મુખ્ય સંપ્રદાય છે. તેનો વિસ્તાર માત્ર ૪૪ હેક્ટર (૧૦૮.૭ એકર) છે. તે ઇટાલીના રોમ શહેરમાં સ્થિત છે. આ પોપ, તેના સર્વોચ્ચ નેતાનું નિવાસસ્થાન છે, અહીંથી તેઓ વિશ્વભરના કેથોલિક ચર્ચોને નિયંત્રિત કરે છે અને તેમના માટે નીતિઓ બનાવે છે.વેટિકન સિટીના વિશ્વના તમામ દેશો સાથે રાજદ્વારી સંબંધો છે. વેટિકન સિટીમાં ન તો અન્ય કોઈ ધર્મના લોકો રહી શકે છે અને ન તો કોઈ ધાર્મિક સ્થળ બનાવી શકે છે.

દક્ષિણ અમેરિકામાં સુરીનામ પછી ઉરુગ્વે બીજો સૌથી નાનો દેશ છે. ઉરુગ્વે એ દક્ષિણ અમેરિકાના દક્ષિણપૂર્વ ભાગમાં સ્થિત એક દેશ છે. દેશની લગભગ ૩.૫ મિલિયનની વસ્તીમાંથી, ૧.૧ મિલિયન રાજધાની મોન્ટેવિડિયો અને તેના મેટ્રોપોલિટન વિસ્તારમાં રહે છે. દેશની ૮૮-૯૪% વસ્તી યુરોપિયન અથવા મિશ્ર જાતિની છે. ઉરુગ્વેમાં રાજકારણને ધર્મથી સંપૂર્ણપણે અલગ રાખવામાં આવે છે. અહીં હિન્દુ અને મુસ્લિમ સહિત અનેક ધર્મના લોકો રહે છે. અહીં લગભગ ૧૦૦૦ મુસ્લિમો રહે છે.

જેઓ બ્રાઝિલની સરહદની નજીક આવેલા શહેર ચુએમાં રહે છે, કેટલાક મુસ્લિમો રિવેરા, એર્ટિગાસ અને મોન્ટેવિડિયોમાં રહે છે. મોન્ટેવિડિયોમાં ત્રણ ઇસ્લામિક કેન્દ્રો છે, paકોઈ મસ્જિદ નથી. પરંતુ મુસ્લિમો ફક્ત આ કેન્દ્રોમાં પૂજા કરે છે. સાઓ ટોમ અને પ્રિન્સિપે મધ્ય આફ્રિકામાં એક ખૂબ જ નાનો પ્રજાસત્તાક દેશ છે. અહીં મુસ્લિમો વસે છે પરંતુ બહુ ઓછી સંખ્યામાં. અહીં પોર્ટુગીઝ બોલાય છે. ખ્રિસ્તીઓ પુષ્કળ પ્રમાણમાં છે. તે એક સમયે પોર્ટુગલનો ગુલામ દેશ હતો. ૧૯૭૦ પહેલા અહીં મુસ્લિમો નહોતા.

બાદમાં મુસ્લિમ શરણાર્થીઓ અહીં સ્થાયી થવા લાગ્યા, જેઓ પડોશી દેશો નાઈજીરીયા અને કેમરૂનથી આવ્યા હતા. તો પણ અહીં તેમની વસ્તી ૧૦૦૦થી ઓછી છે. અહીં કોઈ મસ્જિદ નથી. મુસ્લિમો ખુલ્લામાં ગમે ત્યાં નમાઝ પઢે છે. એસ્ટોનિયામાં મુસ્લિમોની વસ્તી ઘણી ઓછી છે. ૨૦૧૧ ની વસ્તી ગણતરી મુજબ, ત્યાં ૧૫૦૮ મુસ્લિમો રહેતા હતા, એટલે કે ત્યાંની વસ્તીના માત્ર ૦.૧૪ ટકા હતા. જો કે અત્યાર સુધીમાં તેમાં ખાસ્સો વધારો થયો હશે. જો કે અહીં કોઈ મસ્જિદ નથી. જો કે, ત્યાં ચોક્કસપણે એક ઇસ્લામિક કલ્ચરલ સેન્ટર છે જ્યાં મુસ્લિમો સામાન્ય રીતે પ્રાર્થના માટે ભેગા થાય છે. સામાન્ય રીતે સુન્ની ટાટર્સ અને શિયા અઝેરી મુસ્લિમો અહીં રહે છે, જેમણે એક સમયે રશિયન સેનામાં સેવા આપી હતી.