થરાદની મુખ્ય નર્મદા નહેરમાં વાવનો યુવક ડુબાયાની આશંકા

રખેવાળ ન્યુઝ થરાદ : થરાદમાંથી પસાર થતી નર્મદાની મુખ્ય નહેર પરથી વાવ તાલુકાના એક યુવકનો મોબાઇલ મળી આવતાં તેની તરવૈયાની મદદથી ચાર દિવસથી શોધખોળ હાથ ધરવામાં આવી હતી. આ બનાવથી ચકચાર મચવા પામી હતી. વાવ તાલુકાના ધનાણા ગામમાં રહેતા એક અંદાજીત અઢાર વર્ષીય યુવકનો મોબાઇલ થરાદ વાવ હાઇવે પરથી પસાર થતી નર્મદાની મુખ્ય નહેરના પુલ પરથી મળી આવ્યો હતો. આથી યુવક નહેરમાં પડ્યો હોવાની આશંકાએ પરિવારના કહેવાથી નગરપાલિકા તરવૈયા સુલતાન મીર દ્વારા શોધખોળ ધરાઇ હતી. બનાવ અંગે જાણ થતાં ઘટના સ્થળે પરિવારજનો તેમજ સગા સ્નેહીજનો બહોળી સંખ્યામાં દોડી આવતાં લોકોના ટોળા એકઠાં થવા પામ્યાં હતાં. આ બનાવને લઇને ચકચાર મચવા પામી હતી. નગરપાલિકાના તરવૈયા દ્વારા ચાર દિવસથી તપાસ હાથ ધરવા છતાં કોઇ ભાળ નહી મળતાં ચકચાર મચવા પામી હતી.