મહેસાણા શહેર અને જિલ્લામાં લાઇસન્સ વિનાની અને ગેરકાયદે ચાલતી ફટાકડાની દુકાનો તેમજ ગોડાઉન સામે વહીવટી તંત્રએ કડક કાર્યવાહી હાથ ધરી છે. અધિક કલેક્ટર અને જિલ્લા પોલીસવડાના આદેશ બાદ ફાયર, પોલીસ અને મામલતદાર સહિતની ટીમે તપાસ અભિયાન શરૂ કર્યું છે. અધિક કલેક્ટરએ જિલ્લાના તમામ મામલતદાર અને પ્રાંત અધિકારીઓને બે દિવસમાં તપાસ રિપોર્ટ સુપરત કરવા આદેશ કર્યો છે. આ આદેશના પગલે મહેસાણા એસઓજી, એ ડિવિઝન પોલીસ, ફાયર અને મામલતદારની ટીમે શહેર સહિત તાલુકામાં 10 સ્થળોએ આકસ્મિક ચેકિંગ હાથ ધર્યું છે. તપાસ દરમિયાન શહેરમાં ત્રણ દુકાનોનો પરવાનો 31 માર્ચના રોજ પૂરો થયો હોવાનું જણાયું છે. આ દુકાનોમાં સોનલ ફટાકડા, જય બહુચર ફટાકડા અને સાંઈ ફટાકડાનો સમાવેશ થાય છે. તંત્રએ આ ત્રણેય દુકાનો અને નુગર ગામે આવેલા એક ગોડાઉનને તાત્કાલિક અસરથી બંધ કરાવ્યા છે. નવા પરવાના મળે ત્યાં સુધી આ દુકાનો બંધ રહેશે.સિઝનલ ધોરણે ફટાકડાનો વેપાર કરતી ત્રણ દુકાનો પહેલેથી જ બંધ છે. પાલોદર, પાંચોટ અને હનુમંત હેડુવામાં આવેલા ફટાકડાના ગોડાઉન ફાયર સેફ્ટી અને લાયસન્સ સહિતના તમામ નિયમોનું પાલન કરતા હોવાનું તપાસમાં બહાર આવ્યું છે.
લાઇસન્સ વિનાની અને ગેરકાયદે ચાલતી ફટાકડાની દુકાનો તેમજ ગોડાઉન સામે આકસ્મિક ચેકિંગ
ટેગ્સ:#Public Safety Measures#Unlicensed Firecracker Shops#Illegal Fireworks Operations#Mehsana District Administration#Sudden Investigations#Fire Safety Compliance#Government Enforcement Actions#Licensing Issues in Fireworks Industry#Additional Collector Orders#Police and Fire Department Collaboration#Local Business Regulations#Closure of Firecracker Shops#Seasonal Fireworks Sales#Investigation Report Requirements
સંબંધિત સમાચાર
મહેસાણાઊંઝામાં શ્રેયસ ક્રેડિટ સોસાયટીની સાધારણ સભા યોજાઈ
2 દિવસ પહેલા
મહેસાણાઊંઝા પોલીસનો સપાટો: કેબલ ચોરીનો ભેદ ઉકેલાયો, ગણતરીના કલાકોમાં બે તસ્કરો ઝડપાયા
2 દિવસ પહેલા
મહેસાણાઊંઝામાં મોટો ડ્રગ્સ નેટવર્ક પર્દાફાશ: દુકાનમાંથી 1.11 કિલો ગાંજો ઝડપાયો, સગીર સહિત બે ઝડપાયા
2 દિવસ પહેલા
મહેસાણામહેસાણાના મોટીદાઉ પાટિયા પાસે આઈસ્ક્રીમ ભરેલા કન્ટેનરમાં ભીષણ આગ
2 દિવસ પહેલા