અમારા વિશે

પત્રકારત્વની પાઠશાળા જ નહીં, પરંપરા

બરોબર પાંચ દાયકા પહેલાં રખેવાળની અખબારી યાત્રાની શરૂઆત થઈ હતી. ૧૯૭૨થી સાપ્તાહિક અને પાંચ ફેબ્રુઆરી ૧૯૮૫થી રખેવાળ દૈનિક — પત્રકારત્વની પાઠશાળા જ નહીં પરંતુ પરંપરા કહી શકાય તેવી રખેવાળની શબ્દ યાત્રા આજે ૫૦ વર્ષથી અવિરતપણે આગળ ધપી રહી છે.

ઉત્તર ગુજરાત અને બનાસકાંઠા જિલ્લાના સર્વાંગી વિકાસ અને જનસેવાના જીવન મંત્રને સાકાર કરવાના ઉદ્દેશ્યથી પાંચ દાયકા ઉપરાંતની આ સફર દરમિયાન અનેક સંઘર્ષો અને પડકારો વચ્ચે પણ રખેવાળે તેના મૂળભૂત ઉદ્દેશ્યો અને અખબારી મૂલ્ય સાથે બાંધછોડ કરી નથી.

હકારાત્મક અભિગમ અને અખબારી મૂલ્યોની જાળવણી સાથે આજે હજારો ચાહકો માટે 'રખેવાળ' માહિતીનો વિશ્વસનીય સ્ત્રોત છે. સચોટ અહેવાલો, તટસ્થ પત્રકારત્વ — સાચા અર્થમાં પ્રજા અને તંત્ર વચ્ચે સેતુરૂપ માધ્યમ પુરવાર થયા છે.

ડિજિટલ યુગમાં પ્રવેશ

'રખેવાળ'ની અવિરત અખબારી સફરમાં ૨૦૦૭માં સમય સાથે તાલ મિલાવી ડિજિટલ મીડિયા ક્ષેત્રમાં પ્રવેશ કર્યો — તે સમયે ઉત્તર ગુજરાતમાં આ નવી પહેલથી રખેવાળના ઇતિહાસમાં એક નવો અધ્યાય આલેખાયો. ડિજિટલ પ્લેટફોર્મ્સ પર દૈનિક લાખો હિટ્સ સાથે 'રખેવાળ'ને વૈશ્વિક ઓળખ મળી.

કંઈક વધુ... કંઈક વિશેષ આપવાની પરંપરામાં રખેવાળ પ્લસ દ્વારા ડિજિટલ પ્લેટફોર્મ પર નવીન અને અર્થપૂર્ણ રીતે દર્શકો જોડાય તે માટે યુટ્યુબ, ફેસબુક, ડાયનેમિક વેબસાઇટ અને સમર્પિત મોબાઇલ એપ્લિકેશન સહિતના વિવિધ પ્લેટફોર્મ પર વિસ્તરેલ છે. તેમજ ડેઇલીહન્ટ જેવા મુખ્ય મીડિયા પ્લેટફોર્મ્સ સાથે પણ વ્યૂહાત્મક જોડાણ કરેલ છે.