મહેસાણામાં મોઢેરા ચોકડી પરથી કડી જવા માટે રિક્ષામાં બેઠેલા એક મહિલા પાસેથી સોનાના દોરાની ચોરી થઈ છે. કુંડળ ગામના 50 વર્ષીય રેખાબેન પ્રજાપતિ મહેસાણામાં તેમના નાના ભાઈને મળવા આવ્યા હતા.સાંજના સમયે ઘરે પરત ફરવા માટે મોઢેરા ચોકડી પર વાહનની રાહ જોઈ રહ્યા હતા. રાધનપુર ચોકડી તરફથી આવેલી પીળા રંગની રિક્ષામાં તેઓ બેઠા. રિક્ષામાં પહેલેથી જ ત્રણ મહિલાઓ પાછળની સીટ પર અને ડ્રાઈવર સાથે બે પુરુષો આગળની સીટ પર બેઠેલા હતા.થોડે દૂર જતાં ડ્રાઈવરે ડ્રાઈવિંગમાં તકલીફનું બહાનું કાઢી એક પુરુષને પાછળની સીટમાં બેસાડ્યો. પાછળ બેઠેલા લોકોએ રેખાબેન સાથે વાતચીત કરવાનું શરૂ કર્યું. નાગલપુર ચોકડી પર રિક્ષા ચાલકે વધુ મુસાફરોનું બહાનું બતાવી રેખાબેનને ઉતારી દીધા.ત્યારબાદ રેખાબેનને ખ્યાલ આવ્યો કે તેમના ગળામાં પહેરેલો દોઢ તોલાનો સોનાનો દોરો ગાયબ છે. તેમણે મહેસાણા બી-ડિવિઝન પોલીસ મથકમાં ફરિયાદ નોંધાવી છે. 1.35 લાખની કિંમતના દોરાની ચોરી માટે રિક્ષા ચાલક, ત્રણ મહિલાઓ અને બે પુરુષો સામે ફરિયાદ નોંધાઈ છે. પોલીસે સીસીટીવી ફૂટેજ તપાસવાનું શરૂ કર્યું છે.
મહેસાણામાં રિક્ષામાં મહિલા પાસેથી રૂ.1.35 લાખના સોનાના દોરાની ચોરી
ટેગ્સ:#criminal activity#police investigation#Public Safety Concerns#CCTV Footage Review#Gold Theft#Mehsana Incident#Rickshaw Robbery#Victim: Rekhaben Prajapati#Theft Complaint#Transportation Security#Nagalpur Intersection
સંબંધિત સમાચાર
મહેસાણાઊંઝામાં આડેધડ લગાવેલ બોર્ડનો કહેર : બોર્ડ તૂટીને ગાડી પર પડ્યું જાનહાનિ ટળી
17 કલાક પહેલા
મહેસાણામહેસાણામાં સાયબર ફ્રોડ: નિવૃત્ત આરોગ્ય કર્મચારીને શેરબજારના નામે ચૂનો લગાવી ૧૨.૬૦ લાખ પડાવ્યા
1 દિવસ પહેલા
મહેસાણાઊંઝામાં પોલીસના દરોડા: ફેક્ટરીમાંથી 24 જુગારીઓ રંગેહાથ ઝડપાયા
4 દિવસ પહેલા
મહેસાણામહેસાણા: ઊંઝા મક્તુપુર હાઈવે પર દરોડા, રૂ. 2.46 લાખનો શંકાસ્પદ વરિયાળીનો જથ્થો સીઝ
5 દિવસ પહેલા