બનાસકાંઠાના વડગામ પંથકમાં 9 ઇંચ વરસાદ ખાબકતા જનજીવન પ્રભાવિત..!

બનાસકાંઠા જિલ્લાના વડગામ પંથકમાં અનરાધાર 9 ઇંચ વરસાદ ખાબકતાં આખોય પંથક જળબંબાકાર બન્યો છે. ભારે વરસાદને કારણે જનજીવન અસ્તવ્યસ્ત થઈ ગયું છે.અને મુખ્ય માર્ગો પર પાણી ભરાઇ ગયા છે.ખેરાલુ-વડગામ હાઈવે અને પીલુચા નજીક હાઈવે ઉપર પાણી ભરાઈ જતાં વાહનચાલકો અને રાહદારીઓને ભારે મુશ્કેલીનો સામનો કરવો પડ્યો છે. મુખ્ય માર્ગો પર પાણી ભરાવાને કારણે નાના વાહનો માટે રસ્તો બંધ કરવાની ફરજ પડી હતી.પાણી ઓસર્યા બાદ વાહનચાલકોને ડાયવર્ઝન આપવામાં આવ્યું હતું, જેથી અવરજવર પુનઃસ્થાપિત કરી શકાય.નેશનલ હાઈવે ઉપર પાણીના નિકાલ માટે કોઈ વ્યવસ્થા ન હોવાને કારણે આવી પરિસ્થિતિ સર્જાઈ છે.વડગામથી ખેરાલુ અને હિંમતનગરને જોડતો મુખ્ય માર્ગ પાણીમાં ગરકાવ થતાં અનેક લોકોને હાલાકી ભોગવવી પડી છે. આના કારણે રોજબરોજના વ્યવહારો પર પણ અસર પડી છે. વરસાદના કારણે સ્થાનિકોને ભારે અગવડ પડી રહી છે અને પાણી નિકાલની વ્યવસ્થાનો અભાવ એક ગંભીર સમસ્યા છે.

બનાસકાંઠાના વડગામ પંથકમાં 9 ઇંચ વરસાદ ખાબકતા જનજીવન પ્રભાવિત..!

સંબંધિત સમાચાર

પાલનપુર-અંબાજી હાઇવે પર મેરવાડા પાસે સ્કોર્પિયો ખાડામાં ખાબકી

વડગામના લિંબોઈ ખાતે સરસ્વતી કોલેજમાં પૂર્વ મુખ્યમંત્રીની અધ્યક્ષસ્થાને ત્રિવેણી પર્વ ઉજવાયો

ડીસામાં મધરાત્રે ક્લોરિન ગેસ લીકેજથી ફફડાટ: તંત્રની ત્વરિત કાર્યવાહીથી મોટી જાનહાનિ ટળી

અંબાજી ગબ્બર કામાખ્યા શક્તિપીઠ: અંબુવાચી મહોત્સવ પૂર્ણ થતાં દર્શન પુનઃ શરૂ