દાંતીવાડા ના પાંથાવાડા માંથી જુગાર રમતા નવ ઈસમો ઝડપાયા

પાંથાવાડામાં જુગાર રમતા 9 શખ્સોને પોલીસે ઝડપી લીધા હતા. પાલનપુરની જુગાર સ્પેશિયલ સ્કોડ ટીમ શનિવારે પાંથાવાડા પોલીસ સ્ટેશન વિસ્તારમાં પેટ્રોલિંગમાં હતી. ત્યારે ખાનગી રાહે મળેલ બાતમી આધારે પોલીસે હાઇવે પર જુગાર ચલાવતા ઈસ્માઈલ રફિક સોલંકી અને તેનો ભાઈ સાકીર રફિક સોલંકી હડા પર રેઇડ કરી જૂગાર રમતા મોહમદ સૈયદ મોહમદ અલી નાગોરી, વાહિદખાન મકબુલખાન શેખ, ભરતભાઈ જવાજી રબારી, પોપટભાઈ ગેનાજી ભીલ, આસીફભાઈ રજાકભાઈ નાગોરી, વિજયભાઈ કાંતિભાઈ ભાંડ અને ભરતભાઈ ધીરાજી પરમાર(તમામ રહે પાંથાવાડા, તા.દાંતીવાડા) અમૃતસિંહ કકુસિહ દરબાર(રહે, બુરલ,તા.ડીસા) અને દશરથ પોપટભાઈ મેતર (જેતાવાડા કોલોની વાસ જી.સિરોહી)ને ઝડપી પાડ્યા હતા. જ્યારે ઈસ્માઈલ રફિક સોલંકી અને સાકીર રફિક સોલંકી હાજર મળી આવ્યા નહોતા.પોલીસે રૂપિયા 31,085 નો મુદ્દામાલ કબજે કરી તમામની વિરુદ્ધ ગુનો નોધી કાયદેસરની કાર્યવાહી હાથ ધરી હતી.