બાજરીનો ભાવ પ્રતિ મણ 455 થી 465 રૂપિયા સુધી મળ્યા
સોમવારના ૩૮૨ બોરીની આવક સાથે આગામી દિવસોમાં વધુ આવક નોંધાશે
ડીસા તાલુકા માં ૨૮૭૮૨ હેક્ટરમાં બાજરીનું વાવેતર થયેલ
ડીસા તાલુકાના ગ્રામીણ વિસ્તારોમાં ઉનાળુ પાક લેવાની કામગીરી શરૂ થઈ છે. ત્યારે અનાજ માર્કેટમાં પણ જણસીની આવક જોવા મળી રહી છે. જેમાં બાજરીની સોમવારના રોજ ૩૮૨ બોરીની આવક નોંધાઈ છે. તાલુકામાં ૨૮૭૮૨ હેક્ટરમાં વાવેતર થયેલ બાજરીનો પાક તૈયાર થઇ જતા કાપણીની કામગીરી પણ હવે પૂરજોશમાં શરૂ થશે.પરંતુ બાજરીનું અષાઢુ વાવેતર કરેલ ખેડૂતોએ બાજરી લેવાની શરૂઆત કરતા ડીસા માર્કેટયાર્ડમાં પણ નવી બાજરી આવક શરૂ થઇ ગઇ છે. ડીસા અનાજ માર્કેટમાં સોમવારના રોજ ૩૮૨ બોરી બાજરીની આવક જોવા મળી હતી. અને ખેડૂતોને નવી બાજરીના પ્રતિમણ ૪૫૫ થી ૪૬૫ સુધીના ભાવ મળ્યા હતા. જોકે દર વર્ષેની સરેરાશ સરખામણી જેટલું વાવેતર થયું છે. ત્યારે ચાલુ વર્ષે અનુકૂળ વાતાવરણના કારણે બાજરીનું ઉત્પાદન પણ સારું થવાની ખેડૂત વર્ગમાં આશા જાગી છે. જેના કારણે ખેડૂત વર્ગમાં ખુશીનો માહોલ છવાયો છે. ત્યારે માર્કેટમાં પણ બાજરીના સારા ભાવ મળી રહે તેવુ ઇચ્છી રહ્યા છે.
