મહેસાણા શહેરમાં સામાન્ય બાબતમાં એક કિશોરે બીજા કિશોર ને છરી મારી દીધી

મહેસાણ  શહેરના માનવ આશ્રમ વિસ્તારમાં એક સોસાયટીના ગેટ પાસે એક સગીરને 'જાડિયો' કહીને ખીજવવામાં આવતા મામલો બિચક્યો હતો. આ અપમાનજનક શબ્દોથી ખીજવવાથી એક સગીરે બીજા સગીરને છરી મારી દેતા ચકચાર મચી ગઈ છે. આ ઘટના બાદ ઘાયલ સગીરના પરિવારે મહેસાણા એ-ડિવિઝન પોલીસ સ્ટેશનમાં ફરિયાદ નોંધાવી છે. પ્રાપ્ત માહિતી અનુસાર, સોસાયટી પાસે બે સગીરો વચ્ચે ઝઘડો થયો હતો. આ ઝઘડાનું મૂળ કારણ એક સગીર દ્વારા બીજા સગીરને સતત 'જાડિયો' કહીને ખીજવવાનું હતું. વારંવાર આવું કહેવાથી કંટાળેલા સગીરે આવું કરવાની ના પાડતા મામલો ઉગ્ર બન્યો હતો. ​અપમાનજનક શબ્દો વાપરવાની ના પાડતા ખીજવનાર સગીર ઉશ્કેરાઈ ગયો હતો અને તેણે ઉશ્કેરાટમાં આવીને બીજા સગીર પર છરી વડે હુમલો કર્યો હતો. આ હુમલામાં સગીરને છરી વાગતા તેને તાત્કાલિક સારવાર માટે ખસેડવામાં આવ્યો હતો. આ ઘટના બાદ ઘાયલ સગીરના પરિવારજનોએ મહેસાણા એ-ડિવિઝન પોલીસ સ્ટેશનમાં ફરિયાદ નોંધાવી છે. પોલીસે આ મામલે વધુ તપાસ હાથ ધરી છે.