ડીસાના એક શખ્સએ આઠ વર્ષ પહેલા સુરત સ્થિત મિત્ર પાસેથી હાથ ઉછીના લીધેલા રૂ. દસ લાખના પેમેન્ટ પેટે રૂ. 10 લાખનો ચેક આપ્યો હતો. જે ચેક રિટર્ન કેસમાં સંડોવાયેલા આરોપીને દસમાં એડિશનલ ચીફ જ્યુડિશિયલ મેજિસ્ટ્રેટશ્રીએ છ માસની કેદની સજા ફટકારી છે.સુરત ખાતે રહેતા ફરિયાદીએ ડીસાના વતની આરોપી પ્રફુલ કુમાર રમેશભાઈ ઠક્કર, 31, પુરુષોત્તમ પાર્ક, ગાયત્રી મંદિર પાસે, ડીસાને 2017-18 માં મિત્રતાના નાતે ₹10,00,000 હાથ ઉછીના આપ્યા હતા. જેના પેમેન્ટ પેટે આરોપીએ 2017-18 માં લખી આપેલા 10 લાખના ચેક રિટર્ન થતા ફરિયાદીએ કોર્ટ ફરિયાદ નોંધાવી હતી.
જે કેસમાં અંતિમ સુનાવણી બાદ કોર્ટે આરોપી પ્રફુલકુમાર રમેશભાઈ ઠક્કરને ચેક રિટર્ન કેસમાં દોષિત ઠેરવી છ માસની કેદ, ફરિયાદીને ચેકની લેણી રકમ વળતર પેટે રૂ.૧૦ લાખ ચુકવવા અને તે ન ચૂકવે તો વધુ બે માસની સજા ભોગવવા હુકમ કર્યો હતો.
