તંત્ર ક્યારે જાગશે ? પાટણના મુખ્ય માર્ગો પર ખાનગી વાહનોનું અતિક્રમણ, ટ્રાફિક પોલીસની કામગીરી સામે સવાલ

પાટણના નવા બસ સ્ટેન્ડ નજીક ખાનગી વાહન ચાલકો અને રીક્ષા ચાલકો પોતાના વાહનો પાર્ક કરી જતાં રહેતાં હોવાથી આ વિસ્તારમાં ટ્રાફિકને સમસ્યા ઉદ્ભવવા પામી છે. ત્યારે સોમવારે મોડી સાંજે નવા બસ સ્ટેશનની નજીક કોઈ ખાનગી વાહનચાલક પોતાની કાર પાર્ક કરીને જતા રહેતા ભારે ટ્રાફિકની સમસ્યા સર્જાય હતી. આ બાબતની જાણ પાટણ સીટી ટ્રાફિક પી.એસ.આઇ સોલંકીને થતા તેઓએ તાત્કાલિક ઘટના સ્થળે આવી ખાનગી ગાડીના માલિકને તાત્કાલિક બોલાવી તેઓની પાર્ક કરેલી ગાડી દૂર કરાવી ટ્રાફિકની સમસ્યાનો ઉકેલ લાવવામાં આવ્યો હતો. પાટણના નવીન બસ સ્ટેશન નજીક અવારનવાર ખાનગી વાહન ચાલકો પોતાના વાહનો પાકૅ કરીને  ટ્રાફિકની સમસ્યા ઉદભવતા હોય ત્યારે ટ્રાફિક પોલીસે આ નવા બસ સ્ટેશન વિસ્તારમાં પાર્ક કરાતા ખાનગી વાહન ચાલકો સામે કડક કાર્યવાહી હાથ ધરવામાં આવે તેવી માંગ પ્રબળ બનવા પામી છે.