ડીસાના રેલવે સ્ટેશન વિસ્તારમાં મુખ્ય રોડ ઉપર પડેલો ખાડો જોખમી હાલતમાં
બનાસકાંઠા જિલ્લાના વેપારી મથક ડીસામાં સામાન્ય વરસાદે પાલિકાના પ્રિ-મોન્સૂનની પોલ ખોલી નાખી છે ત્યારે ડીસાના રેલ્વે સ્ટેશન વિસ્તારમાં બાકી રહેલી ભૂગર્ભ ગટરનું કામ ત્રણેક મહિના પહેલા પૂર્ણ કરવામાં આવ્યું હતું. જેમાં ક્યાંક ભૂગર્ભ ગટરના જોઇન્ટ બાકી હતા તે કામગીરી પણ કરવામાં આવી હતી અને રોડ- રસ્તાનું ખોદકામ કરાતા રોડ રસ્તાઓનું રીપેરીંગ પણ કરવામાં આવ્યું છે.
જેમાં રેલ્વે સ્ટેશન વિસ્તારમાં આવેલ વિશ્વ કર્માં નગરના મુખ્ય રસ્તા ઉપર આવેલ ભૂગર્ભ ગટરનું પણ જોઇન્ટ આપવામાં આવ્યું છે. પણ હજુ સુધી આ મુખ્ય રોડ ઉપર ખોદાયેલ ખાડો પૂરવામાં આવ્યો નથી.જેથી હાલમાં પડી રહેલ વરસાદના કારણે આ જોખમી બનેલા ખાડામાં કોઈક વાહન ચાલક કે કોઈ રાહદારી પડી જશે તો જવાબદાર કોણ ? તેવો વેધક સવાલ રહીશોએ કરી સત્વરે આ જોખમી ખાડો પુરવાની પણ માંગ કરી હતી.
