સૂકો, ભીનો, સેનેટરી કચરો અને સ્પેશિયલ કચરો એમ 4 પ્રકારના કચરાનું અલગ-અલગ કલેક્શન કરાશે
પાટણ નગરપાલિકા દ્વારા 15મા નાણાપંચની સ્પેશિયલ ગ્રાન્ટમાંથી 97.80 લાખ રૂપિયાના ખર્ચે ખરીદવામાં આવેલા 10 નંગ હોપર ટીપર વાહનોનું લોકાર્પણ કરવામાં આવ્યું છે. આ વાહનો દ્વારા શહેરમાંથી ચાર અલગ-અલગ પ્રકારનો કચરો એકત્રિત કરવામાં આવશે.
પાટણ નગરપાલિકા ખાતે 15મા નાણાપંચની સ્પેશિયલ ગ્રાન્ટ અંતર્ગત કચરા કલેક્શન માટે નવા વાહનો વસાવવામાં આવ્યા છે. નગરપાલિકા દ્વારા 97.80 લાખ રૂપિયાના ખર્ચે 10 નંગ હોપર ટીપરની ખરીદી કરવામાં આવી હતી, જેનું આજે લોકાર્પણ કરવામાં આવ્યું છે. આ નવા હોપર ટીપર વાહનો દ્વારા સૂકો કચરો, ભીનો કચરો, સેનેટરી કચરો અને સ્પેશિયલ કચરો એમ કુલ 4 પ્રકારના કચરાનું અલગ-અલગ કલેક્શન કરવામાં આવશે. આ વ્યવસ્થા કલેક્શન કરવામાં આવશે. આ વ્યવસ્થા મુજબ અલગ કરીને કચરો આપવામાં નહીં આવે તો તેવો કચરો વાહન દ્વારા સ્વીકારવામાં આવશે નહીં તેવી સ્પષ્ટતા કરવામાં આવી છે.
