શ્રી સર્વોદય લૉ કોલેજ કાંટ ખાતે ‘વન નેશન, વન ઇલેક્શન’ વિષય પર ડિબેટનું આયોજન

શ્રી સર્વોદય એજ્યુકેશન ફાઉન્ડેશન ટ્રસ્ટ સંચાલિત શ્રી સર્વોદય લૉ કોલેજ, કાંટ, ડીસા ખાતે તા. 03-10-2026ના રોજ ‘વન નેશન, વન ઇલેક્શન’ (એક દેશ, એક ચૂંટણી) વિષય પર ડિબેટ કાર્યક્રમનું આયોજન કરવામાં આવ્યું હતું.

કાર્યક્રમમાં વિદ્યાર્થીઓએ સક્રિયપણે ભાગ લઈ એકસાથે ચૂંટણી યોજવાના પ્રસ્તાવના પક્ષ અને વિપક્ષમાં પોતાના તર્કપૂર્ણ વિચારો રજૂ કર્યા હતા. વિદ્યાર્થીઓ દ્વારા બંધારણીય, લોકશાહી, વહીવટી તથા આર્થિક પાસાઓ અંગે ચર્ચા કરવામાં આવી હતી. કાર્યક્રમનો મુખ્ય ઉદ્દેશ્ય વિદ્યાર્થીઓમાં બંધારણીય જાગૃતિ, તર્કશક્તિ, વક્તૃત્વ કૌશલ્ય અને લોકશાહી પ્રક્રિયા અંગે સમજ વિકસાવવાનો હતો.  

આ પ્રસંગે સર્વોદય ટ્રસ્ટના નિયામક જી.જે. પટેલ, લૉ કોલેજના ઇન્ચાર્જ પ્રિન્સિપાલ યશભાઈ મંડોરા, અધ્યાપકગણ તથા વિદ્યાર્થીઓ ઉપસ્થિત રહ્યા હતા. કાર્યક્રમને સફળ બનાવવામાં આવ્યો હતો.