બનાસકાંઠા: પાંથાવાડા પોલીસે દારૂની હેરાફેરી સામે મોટી કાર્યવાહી હાથ ધરી છે. ગુંદરી ચેકપોસ્ટ પરથી રાજસ્થાન તરફથી ગુજરાતમાં ઘૂસાડવામાં આવતો વિદેશી દારૂ અને બિયરનો મોટો જથ્થો ઝડપી પાડવામાં આવ્યો છે. પોલીસે વાહન ચેકિંગ દરમિયાન ટ્રેલર નંબર RJ.09.GB.9310ને અટકાવી તપાસ હાથ ધરી હતી. તપાસ દરમિયાન ટ્રેલરમાંથી દારૂ અને બિયરની કુલ 3,780 બોટલ/ટીન મળી આવી હતી. પોલીસે ઝડપાયેલા દારૂ-બિયરની કિંમત આશરે રૂ.9.03 લાખ આંકી છે. આ ઉપરાંત દારૂની હેરાફેરીમાં ઉપયોગમાં લેવાયેલ આશરે રૂ.15 લાખનું ટ્રેલર પણ પોલીસે કબજે કર્યું છે. સમગ્ર કાર્યવાહી દરમિયાન એક મોબાઇલ ફોન સહિત કુલ રૂ.24.13 લાખનો મુદ્દામાલ જપ્ત કરવામાં આવ્યો છે.
બે રાજસ્થાની શખ્સો સામે કાર્યવાહીઃ દારૂની હેરાફેરીના આ મામલે પોલીસે ટ્રેલર ચાલક સહિત કુલ બે રાજસ્થાની શખ્સો સામે પ્રોહિબિશન એક્ટ હેઠળ ગુનો નોંધી કાર્યવાહી હાથ ધરી છે. પોલીસ હવે આ દારૂનો જથ્થો ક્યાંથી લાવવામાં આવ્યો હતો, ગુજરાતમાં ક્યાં પહોંચાડવાનો હતો અને સમગ્ર હેરાફેરી પાછળ અન્ય કોઈ વ્યક્તિઓ સંકળાયેલા છે કે નહીં તે અંગે તપાસ કરી રહી છે. ગુંદરી ચેકપોસ્ટ પર પાંથાવાડા પોલીસની આ કાર્યવાહીથી રાજસ્થાન તરફથી ગુજરાતમાં થતી દારૂની હેરાફેરી સામે પોલીસની સતર્કતા ફરી સામે આવી છે.
પાંથાવાડા પોલીસનો સપાટો: ગુંદરી ચેકપોસ્ટ પરથી 24.13 લાખનો દારૂ-બિયરનો મુદ્દામાલ જપ્ત
સંબંધિત સમાચાર
બનાસકાંઠાઅંબાજીમાં શ્રાવણ માસના અંતિમ દિવસોમાં માઈભક્તોની ભારે ભીડ
3 દિવસ પહેલા
બનાસકાંઠાવાવ-થરાદ અને બનાસકાંઠાને અછતગ્રસ્ત જાહેર કરી ઘાસચારો આપવા માંગ
3 દિવસ પહેલા
બનાસકાંઠાનવી ભીલડીની ભાગ્યલક્ષ્મી સોસાયટીમાં તસ્કરોનો હાથફેરો: 50,000 રોકડની ચોરી
4 દિવસ પહેલા
બનાસકાંઠાઅંબાજીના ભાદરવી મેળામાં ૫ મીટરથી મોટી ધજા ચઢાવવા પર પ્રતિબંધ યથાવત
4 દિવસ પહેલા