ડીસાના ઢુવા ગામ પાસે રાત્રે વરસાદથી ખેતરોમાં પાણી ભરાયા: મગફળી અને જુવારના પાકને નુકસાન

ડીસા તાલુકામાં ગત રાત્રિ દરમિયાન વરસેલા અંદાજિત 4 ઇંચ જેટલા ભારે વરસાદને કારણે ઢુવા ગામ પાસેના ખેતરોમાં પાણી ભરાઈ ગયા હતા. આ અચાનક અને ભારે વરસાદથી ખેતરોમાં ઉભા મગફળી અને જુવાર જેવા પાકોને વ્યાપક નુકસાન થયું છે. વરસાદી પાણી ભરાઈ જવાના કારણે પાક પાણીમાં ગરકાવ થઈ ગયા હતા, જેનાથી પાકની ગુણવત્તા બગડવાની અને ઉત્પાદનમાં ઘટાડો થવાની ભીતિ સેવાઈ રહી છે. ખેડૂતોએ પાક તૈયાર કરવા માટે કરેલી મહેનત અને ખર્ચ પર પાણી ફરી વળતા તેઓ ચિંતિત બન્યા છે. સ્થાનિક ખેડૂતોએ સરકાર પાસે તાત્કાલિક સર્વે કરાવી, નુકસાનીનો અંદાજ કાઢી અને યોગ્ય વળતર ચૂકવવાની માંગ કરી છે, જેથી તેમને આ આર્થિક ફટકામાંથી રાહત મળી શકે.