ડીસા શહેર દક્ષિણ પોલીસ સ્ટેશન વિસ્તારના ભોપાનગર ત્રિકમવાડી પાસે આવેલી ખુલ્લી જગ્યામાં જાહેરમાં ગંજીપાના વડે તીન પત્તીનો હારજીતનો જુગાર રમાઈ રહ્યો હોવાની બાતમીના આધારે પોલીસે સફળ દરોડો પાડ્યો હતો. આ દરોડા દરમિયાન પોલીસે સ્થળ પરથી જુગાર રમી રહેલા કુલ સાત ઇસમોને રંગે હાથે ઝડપી પાડ્યા હતા.
પોલીસે સ્થળ પરથી અને પકડાયેલા આરોપીઓની અંગજડતીમાંથી રોકડા રૂપિયા તથા ગંજીપાના જપ્ત કર્યા હતા. ઝડપાયેલા આરોપીઓની વિગતો નીચે મુજબ છે:
જીતેન્દ્ર દિનેશભાઈ મોચી (રહે. ડીસા ભોપાનગર મોચીવાસ)
પ્રવિણભાઈ રમેશભાઈ બઢીયા (રહે. ડીસા ભોપાનગર ત્રિકમવાડી)
રણજીત વિક્રમભાઈ ઠાકોર (રહે. ડીસા ભોપાનગર ત્રિકમવાડી)
હરેશભાઈ ધીરજભાઈ પરમાર (રહે. ડીસા ભોપાનગર ત્રિકમવાડી)
અયાજ અબ્દુલભાઈ સિન્ધી (રહે. ભોપાનગર, કાફે મિલન હોટલ પાછળ, ડીસા)
નવીનભાઈ માવજીભાઈ મકવાણા (રહે. ડીસા ભોપાનગર ત્રિકમવાડી)
નવીભાઈ વાલાભાઈ મોચી (રહે. ડીસા ભોપાનગર ત્રિકમવાડી)
પોલીસે દરોડા દરમિયાન આરોપીઓની અંગજડતી તથા પટમાંથી કુલ રૂપિયા 12,410/- ની રોકડ રકમ અને ગંજીપાના જપ્ત કર્યા હતા. તમામ આરોપીઓ વિરુદ્ધ ડીસા શહેર દક્ષિણ પોલીસ સ્ટેશન ખાતે જુગારધારાની કલમ હેઠળ ગુનો નોંધીને કાયદેસરની ધોરણસરની કાર્યવાહી હાથ ધરવામાં આવી છે.
