પાટણ શહેરમા દારૂબંધી ની વાતો પોકળ સાબિત થતી હોય તેમ શહેરના ગરનાળા વિસ્તારમાં સંસ્કાર ગાર્ડન સામે જાહેર માર્ગ પર ખુલ્લે આમ દેશી દારૂની ખાલી પોટલીઓનો જથ્થો ફેકાયેલ જોવા મળ્યો હતો. આ દેશી દારૂ ની ખાલી પોટલીઓ મામલે પાટણ શહેર કોગ્રેસ પ્રમુખ દિપક પટેલે જણાવ્યું હતું કે એક તરફ પાટણ પોલીસ દ્વારા શહેરમાં દારૂબંધી ની સુફિયાણી વાતો કરી રહી છે.
ત્યારે આવા જાહેર માગૅ પર દેશી દારૂની ખાલી પોટલીઓનો જથ્થો પોલીસની પોલ છતી કરવાની સાથે સાથે ઐતિહાસિક નગરીને બદનામ કરી રહી છે. તો શહેરના પ્રબુદ્ધ નગરજનો પણ આ દેશી દારૂની જથ્થાબંધ ખાલી પોટલીઓ જાહેર માગૅ પર ફેકાયેલી જોઈને શરમજનક સ્થિતિમાં મુકાવાની સાથે સાથે ચિંતા વ્યકત કરી રહ્યા છે. આવી બાબતોને લઇવિસ્તારમાં રહેતા લોકો પણ પોલીસ તંત્રની રહેમ નજર હેઠળ ચાલતા દેશી વિદેશી દારૂના દુષણને લઈ પોતાનો રોષ વ્યકત કરતાં જોવા મળ્યા હતા.આ દેશી દારૂની ખાલી પોટલીઓ મામલે શહેર કોગ્રેસ પ્રમુખે પોલીસની કામગીરી સામે સવાલો ઉઠાવી શહેરના જાહેર રસ્તાઓને દારૂના અડ્ડા બનાવી દેવા બદલ નગરપાલિકા અને જવાબદાર તંત્ર દ્વારા તાત્કાલિક કાર્યવાહી કરવામાં આવે તેવી માંગ કરી આવા અસામાજિક તત્વો સામે કડક પગલાં લેવામાં આવે અને વિસ્તારની સફાઈ સાથે કાયદેસરની કાર્યવાહી કરી જાહેર રસ્તાઓને ગંદકી અને નશાખોરીનું કેન્દ્ર બનતા રોકવા તેઓએ રોષ સાથે જણાવ્યું હતું.
