થરાદ તાલુકાના પીલુડા માર્કેટ યાર્ડ નજીક એક મોટી દુર્ઘટના સામે આવી છે. રાજકોટથી હરિયાણા તરફ જતી આઇસર ટ્રકમાં અચાનક આગ લાગી હતી. વાયરિંગમાં શોર્ટ સર્કિટને કારણે આ આગ લાગી હોવાનું પ્રાથમિક તપાસમાં સામે આવ્યું છે. ઘટનાની જાણ થતાં જ થરાદ ફાયર વિભાગની ટીમ તાત્કાલિક ઘટનાસ્થળે પહોંચી ગઈ હતી. ફાયર ટીમે ભારે જહેમત બાદ આગ પર કાબુ મેળવ્યો હતો. જો કે, ત્યાં સુધીમાં ટ્રકમાં રહેલો તમામ માલસામાન બળીને ખાખ થઈ ગયો હતો. થરાદ ફાયર ઓફિસર વિરમજી રાઠોડના જણાવ્યા અનુસાર, ટ્રકમાં પતરા બનાવવાની મશીનરી અને થર્મોકોલના 8 રોલ ભરેલા હતા. આગને કારણે ટ્રક માલિકને મોટું આર્થિક નુકસાન થયું છે. આ દુર્ઘટનામાં કોઈ જાનહાનિ થઈ નથી. ઘટનાની જાણ થતાં આસપાસના વિસ્તારમાંથી મોટી સંખ્યામાં લોકો ઘટનાસ્થળે એકત્રિત થયા હતા. ઉનાળાની શરૂઆત થતાં થરાદ પંથકમાં આગની ઘટનાઓમાં વધારો નોંધાયો છે.
બનાસકાંઠા31 માર્ચ, 2025
થરાદ પંથકમાં આગની ઘટનાઓમાં વધારો; આઇસર ટ્રકમાં અચાનક આગ લાગી

ટેગ્સ:#short circuit#Emergency Response#Fire Control#Community Response#Financial Loss#Fire Incidents#Accident Report#Tharad Panthak#Icer Truck Fire#Piluda Market Yard#Tharad Fire Department#Paper Making Machinery#Thermocol Rolls#No Injuries#Summer Safety#Fire Officer Viramji Rathod
સંબંધિત સમાચાર
બનાસકાંઠાથરાદમાં SOGનો સપાટો : ગાડીના ચોરખાનામાંથી ૨૨૪૯ બોટલ વિદેશી દારૂ ઝડપાયો, ત્રણ સામે ગુનો દાખલ
1 દિવસ પહેલા
બનાસકાંઠાસનસનાટીભરી ઘટના : પાલનપુર નાળામાંથી મહિલાનો મૃતદેહ મળી આવતા ચકચાર, હત્યા કરી લાશ ફેંકી દેવાયાની આશંકા
2 દિવસ પહેલા
બનાસકાંઠાબાલારામ બ્રીજ રક્તરંજિત : એસ.ટી.બસ અને ટ્રેક્ટર વચ્ચે જોરદાર ટક્કર, એકનું ઘટનાસ્થળે જ મોત
2 દિવસ પહેલા
બનાસકાંઠાડીસા મિહીર માર્કેટિંગમાં SOGના દરોડા : રૂ. 72 હજારનું શંકાસ્પદ ઘી અને કાર સહિત 5.72 લાખનો મુદ્દામાલ જપ્ત
2 દિવસ પહેલા
