હિંમતનગરમાં 'ધ બિગબુલ ફેમિલી' પોન્ઝી સ્કીમ કેસમાં ઝડપાયેલા બે આરોપીઓને કોર્ટે બે દિવસના રિમાન્ડ મંજૂર કર્યા છે. બી ડિવિઝન પોલીસે ગઈકાલે સાંજે આરોપીઓને કોર્ટમાં રજૂ કરી રિમાન્ડની માંગણી કરી હતી. બી ડિવિઝન પોલીસ સ્ટેશનમાંથી મળતી માહિતી મુજબ, 'ધ બિગબુલ ફેમિલી' નામની કંપનીએ રોકાણકારોને ઊંચા વ્યાજની લાલચ આપી છેતરપિંડી કરી હતી. આ સ્કીમમાં છેતરાયેલા 36 રોકાણકારોએ એકઠા થઈને હિંમતનગર બી ડિવિઝન પોલીસ સ્ટેશનમાં ફરિયાદ નોંધાવી હતી.ફરિયાદના આધારે પોલીસે સંચાલકો અને એજન્ટો સહિત કુલ છ લોકો સામે ગુનો નોંધ્યો હતો. પોલીસે આ કેસમાં એક મહિલા સહિત બે આરોપીઓની ધરપકડ કરી હતી. ઝડપાયેલા આરોપીઓમાં શીતલ જગદીશગીરી ગોસ્વામી (રહે. જામળા, તા. હિંમતનગર) અને વિપુલસિંહ બાદરસિંહ ચૌહાણ (રહે. સરોલી, તા. હિંમતનગર)નો સમાવેશ થાય છે. પોલીસે સોમવારે સાંજે તેમને હિંમતનગર સેશન્સ કોર્ટમાં રજૂ કરી વધુ તપાસ માટે 14 દિવસના રિમાન્ડની માંગણી કરી હતી. કોર્ટે બંને આરોપીઓને 12 નવેમ્બર, 2025ની સાંજ સુધીના બે દિવસના રિમાન્ડ મંજૂર કર્યા છે.
હિંમતનગર 'ધ બિગબુલ ફેમિલી' પોન્ઝી સ્કીમ કેસમાં ઝડપાયેલા બે આરોપીઓને બે દિવસના રિમાન્ડ મંજૂર
ટેગ્સ:#Police#remand#Investigation#Himmatnagar#The Bigbull Family#Ponzi scheme case#Sheetal Jagdishgiri Goswami#Vipulsinh Badarsinh Chauhan
સંબંધિત સમાચાર
સાબરકાંઠાવિજયનગરમાં દિગંબર જૈન સમાજના પર્યુષણ પર્વની પૂર્ણાહુતિ: ભવ્ય શોભાયાત્રા અને સન્માન સમારોહ યોજાયો
17 કલાક પહેલા
સાબરકાંઠાસાબરકાંઠા જિલ્લાના આરોગ્ય ક્ષેત્રે મોટી સિદ્ધિ: વધુ 7 આરોગ્ય કેન્દ્રોને રાષ્ટ્રકક્ષાનું 'NQAS' પ્રમાણપત્ર પ્રાપ્ત
1 દિવસ પહેલા
સાબરકાંઠાસાબરકાંઠા જિલ્લાના જાદર ખાતે લોકમેળાનો ભવ્ય પ્રારંભ: ભક્તિ, આનંદ અને પરંપરાનો અનોખો ત્રિવેણી સંગમ
5 દિવસ પહેલા
સાબરકાંઠાહિંમતનગરમાં એલસીબીની રેડ: બે કારમાંથી રૂ.1.15 લાખના વિદેશી દારૂ સાથે 4 ઝડપાયા
1 અઠવાડિયા પહેલા