ધાનેરા નદીના પુલ પર ત્રિપલ અકસ્માતમાં ચાર ઘાયલ

ધાનેરા નજીક નદીના પુલ પર પીકઅપ, અર્ટિકા કાર અને રીક્ષાને લઈ ત્રીપલ અકસ્માત સર્જાયો હતો. જેમાં ટ્રાફિકથી ભરેલા પુલ પર પીકઅપ અને અર્ટિગા વચ્ચે અથડામણ સર્જાતા રીક્ષા પલટી ડિવાઈડર પર ચડી ગઈ હતી. ત્યારે આ ઘટનામાં ચાર લોકો ઈજાગ્રસ્ત થયા છે, જેમને તાત્કાલિક ધાનેરાની રેફરલ હોસ્પિટલ ખસેડવામાં આવ્યા છે. જેમાં તેમને હાથ, પગ અને માથાના ભાગે ગંભીર ઈજાઓ પહોંચતા વધુ સારવારઅર્થે હોસ્પિટલમાં રીફર કરવામાં આવ્યા છે. આમ આ ઘટનાની જાણ થતાં ધાનેરા પોલીસે ઘટના સ્થળે પહોંચી ટ્રાફિકની સમસ્યા દૂર કરી માર્ગ વ્યવસ્થા પુનઃપ્રસ્થાપિત કરી હતી. અંગે સ્થાનિક રહેવાસીઓએ અનેકવાર પુલની બાજુમાં આવેલા જૂના રસ્તાને ફરી શરૂ કરવાની માંગ ઉઠાવી છે પરંતુ આ બાબતે તંત્ર દ્વારા હજુસુધી કોઈ પગલાં લેવામાં આવ્યા નથી. ત્યારે સતત ઉઠતી માંગ છતાં તંત્રની નિદ્રા જેવી સ્થિતિથી સ્થાનિકોમાં રોષ જોવા મળી રહ્યો છે.