ડીસા નગરપાલિકામાં વિવિધ સમિતિઓની રચના: મહત્વપૂર્ણ કમિટીઓ અને હોદ્દેદારોની જાહેરાત

આગામી વર્ષે નવું ભવન, ફાયર સ્ટેશન અને સ્માર્ટ આંગણવાડીઓ બનશે

ભાજપ શાસિત ડીસા નગરપાલિકામાં ચૂંટાયેલા સભ્યોની લાંબા સમયથી ચાલી રહેલી આતુરતાનો આખરે અંત આવ્યો છે. આજરોજ નગરપાલિકા પ્રમુખ કૌશિકભાઈ સાધુની અધ્યક્ષતામાં યોજાયેલી સામાન્ય સભામાં વિવિધ મહત્વની સમિતિઓની સત્તાવાર રચના કરવામાં આવી હતી.

મુખ્ય કમિટીઓ કોના શિરે જશે તેને લઈને નગરપાલિકાના રાજકારણમાં લાંબા સમયથી અટકળો અને ચર્ચાઓ ચાલી રહી હતી. દરમિયાન, પાલનપુર ભાજપ કાર્યાલય ખાતેથી રાજુભાઈ ડાભી અને નિલેશભાઈ મોદી વિવિધ સમિતિઓની રચનાનું આખરી લિસ્ટ લઈને ડીસા આવી પહોંચ્યા હતા, જેના આધારે પ્રમુખ કૌશિકભાઈ સાધુ દ્વારા સમિતિઓની જાહેરાત કરવામાં આવી હતી.

સામાન્ય સભા દરમિયાન ડીસા શહેરના સર્વાંગી વિકાસ માટે આગામી વર્ષના મહત્વકાંક્ષી આયોજનોની પણ જાહેરાત કરવામાં આવી હતી. જે અંતર્ગત આગામી વર્ષમાં નગરપાલિકાનું નવું અદ્યતન ભવન બનાવવામાં આવશે.જ્યારે આધુનિક નવું ફાયર સ્ટેશન આકાર લેશે. આ ઉપરાંત ભૂલકાંઓ માટે સ્માર્ટ આંગણવાડીઓનું નિર્માણ પણ કરવામાં આવશે.વિવિધ સમિતિઓની રચના થતાં જ નગરપાલિકાના તંત્રમાં કાર્યશૈલી ઝડપી બનશે અને શહેરના પ્રજાલક્ષી કાર્યો ઝડપથી થશે.

વિવિધ સમિતિઓના ચેરમેનો

(1) ટાઉન પ્લાનિંગ સમિતિ

કરશનજી તગાજી જોષી

(2) બાંધકામ સમિતિ

અવનીબેન શમ્મીકુમાર પઢીયાર

(3) પાણી પુરવઠા સમિતિ

સંજયકુમાર બાબુલાલ ગેલોત

(4) સેનિટેશન અને પબ્લિક હેલ્થ સમિતિ

કિરણકુમાર બાબુલાલ રાવળ

(5) ભૂગર્ભ ગટર સને ડ્રેનેજ સમિતિ

દિનેશકુમાર રતનજી માળી

(6) સ્ટ્રીટ લાઈટ સમિતિ