દારૂના જથ્થા સાથે કુલ રૂ. 44.04 લાખનો મુદ્દામાલ જપ્ત કરી 2 ઈસમોની અટકાયત કરાઈ
પાટણ LCB પોલીસે રાધનપુર નજીક કલ્યાણપુરા પાટિયા પાસે હાઇવે પરથી એક ડમ્પર ગાડીના ગુપ્ત ખાના માંથી 18.94 લાખ રૂપિયાનો વિદેશી દારૂ ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે. ડમ્પરના ગુપ્ત ખાનામાં છુપાવેલો 12,156 બોટલ દારૂ અને ડમ્પર (GJ-09-AU-8269) અને 2 મોબાઇલ ફોન મળી કુલ 44.04 લાખ રૂપિયાનો મુદ્દામાલ જપ્ત કર્યો છે. આ કેસમાં ડમ્પર ચાલક શૈલેષ પ્રેમાભાઇ મોદી (દિયોદર) અને ખલાસી ઓમપુરી મગનપુરી ગૌસ્વામી (ઝાલોર,રાજસ્થાન) ની ધરપકડ કરાઈ છે. દારૂ ભરાવનાર પ્રવીણ ઉર્ફે રાજુ નારણજી મોદી (વાતમ નવા, દિયોદર) અને દારૂ મંગાવનાર ભીમાસર (કચ્છ) ના એક અજાણ્યા ઇસમ સામે પણ ગુનો નોંધાયો છે. પાટણ LCB ટીમે રાધનપુર પોલીસ સ્ટેશનમાં પ્રોહિબિશન એક્ટ હેઠળ કાર્યવાહી કરી આગળ ની તપાસ હાથ ધરી હોવાનું જાણવા મળ્યું છે.
