ડીસા શહેર દક્ષિણ પોલીસે ત્રણ અલગ અલગ બાઇક ચોરીના ગુનાઓનો ભેદ ઉકેલી આરોપીને ઝડપી પાડ્યો છે.પોલીસે આરોપી પાસેથી 3 વાહનો કબજે કર્યા છે. તા. 9 મે, 2026 ના રોજ પશુબજારના વાડામાંથી એક ફરિયાદીની બાઇક (જીજે-08-એજી-6494) ચોરાઈ હતી. એ જ દિવસે શાકમાર્કેટ ચોકમાંથી સ્કૂટર (જીજે-08-એએન-8238) ની ઉઠાંતરી થઇ હતી.
આ અગાઉ તા. 6 મેના રોજ બાઇક નં.જીજે-01-એનઇ-5195 ની પણ ચોરી થઇ હતી. આ ઘટનાઓને ગંભીરતાથી લઈ ડીસા ડીવાયએસપી સી.એલ.સોલંકી અને પીઆઈ એમ.બી. કોટવાલના નેતૃત્વમાં પોલીસ ટીમે ટેકનિકલ સર્વેલન્સ અને હ્યુમન સોર્સના આધારે તપાસ તેજ બનાવી હતી. તપાસ દરમિયાન શેરગંજ વિસ્તારમાં રહેતા ગોપાલભાઈ નરસિંહભાઈ ચૌહાણ (ઉં. 20) ને ઝડપી પાડવામાં આવ્યો હતો. પૂછપરછમાં તેણે ત્રણેય વાહનની ચોરી કબૂલતા પોલીસે તમામ મુદ્દામાલ જપ્ત કરી વધુ કાર્યવાહી હાથ ધરી છે.
