ભાભર; અબાળા ગામે થોડા દિવસ પહેલા થયેલ બે જુથ અથડામણ માં એકનું મોત

મૃતક ન સગાંસંબંધીઓ મોટી સંખ્યામાં ઉમટી પડ્યા; પોલીસે પરિસ્થિતિ ઉપર કાબૂ મેળવ્યો..! બનાસકાંઠા જીલ્લાના ભાભર તાલુકાના અબાળા ગામે થોડા દિવસ પહેલા થયેલ બંને જુથો વચ્ચે મારામારી માં ગંભીર રીતે ઘાયલ થયેલ એક ઈસમનું આજ રોજ મોત થતા અબાળા ગામમાં ચકચાર મચી જવા પામી હતી. પ્રાપ્ત વિગતો અનુસાર ભાભરના અબાળા ગામે થોડા દિવસ પહેલા થયેલ બે જુથ અથડામણમાં ગંભીર રીતે ઘાયલ થયેલ જેસુંગજી નાગજીજી ઠાકોર ઉ.વ. આશરે ૩૫ની સારવાર ચાલી રહી હતી ત્યારબાદ લાંબા સમયની સારવાર બાદ આજે જેસુંગજી ઠાકોર નું મોત થતા અબાળા ગામ સહીત ભાભર પંથકમા અરેરાટી વ્યાપી ગઈ હતી. ત્યારે આજે અબાળા ગામે ચુસ્ત પોલીસ બંદોબસ્ત વચ્ચે જેસુંગજી ની આજે અંતિમ યાત્રા નિકળી હતી. ત્યારબાદ અંતિમ યાત્રાની વિધિ કરાઈ હતી અને અબાળા ગામમાં શાંતિ જળવાઈ રહે તે માટે ભાભર સહિત દિયોદર અને વાવ પોલીસનો કાફલો ગોઠવી દેવામાં આવ્યો હતો અત્રે ઉલ્લેખનીય છે કે જેસુંગજી નું મોત થતા નાની ઉંમરે ત્રણ સંતાનોએ પોતાના પિતાની છત્ર છાયા ગુમાવી હતી.