બનાસકાંઠા; પોલીસે કર્ણાટકમાં 45 લાખ રૂપિયાની ચાંદીની લૂંટ, આરોપીઓને પાલનપુર થી પકડી પાડ્યા

કર્ણાટક રાજ્યમાં થયેલી લૂંટનો ભેદ બનાસકાંઠા પોલીસે સફળતાપૂર્વક ઉકેલી નાખ્યો છે. આ લૂંટમાં કરોડો રૂપિયાની ચાંદીની ચોરી થઇ ગઈ હતી. બનાસકાંઠાના ચાર ઇસમોએ આ ગુનાને અંજામ આપ્યો હોવાનું બહાર આવ્યું છે. પાલનપુર પશ્ચિમ પોલીસે બાતમીના આધારે આ ચારેય આરોપીઓને ઝડપી પડ્યા છે. મળતી જાણકારી અનુસાર, કર્ણાટકમાં આવેલી એક ફેક્ટરીમાંથી આશરે 45 લાખ રૂપિયાની કિંમતની ચાંદીની લૂંટ કરવામાં આવી હતી. આ ઘટના બાદ કર્ણાટક પોલીસ દ્વારા આ ગુનાનો ભેદ ઉકેલવા માટે તપાસ શરૂ કરવામાં આવી હતી. પરંતુ, આરોપીઓ પકડાયા નહતા. આ દમિયાન, બનાસકાંઠા પોલીસને ગુપ્ત માહિતી મળી હતી કે, આ લૂંટમાં બનાસકાંઠાના જ ચાર શખ્સો સામેલ છે અને તેઓ હાલ પાલનપુર પશ્ચિમ વિસ્તારમાં છુપાયેલા છે. બાતમી મળતાની સાથે જ પાલનપુર પશ્ચિમ પોલીસે તાત્કાલિક કાર્યવાહી હાથ ધરી હતી. પોલીસે આરોપીઓને ઝડપી પાડવા માટે જુદી જુદી ટીમો બનાવીને વોચ ગોઠવી હતી. આ ઘટના અંગે વધુ વિગતો આપતા પોલીસે જણાવ્યું કે, આ ચારેય આરોપીઓ વ્યવસાયિક રીતે ગુનેગાર છે અને તેમની સામે અગાઉ પણ આવા ગુનાઓ નોંધાયેલા છે કે કેમ તે અંગેની તપાસ ચાલી રહી છે. કર્ણાટક પોલીસને આ અંગે જન કરવામાં આવી છે અને આગામી આરોપીઓને કાર્યવાહી માટે કર્ણાટક પોલીસને સોંપવામાં આવશે. બનાસકાંઠા પોલીસને આ સફળતાથી બે રાજ્યોને જોડતી આ ગુનાહિત પ્રવૃતિનો પર્દાફાશ થયો છે.

બનાસકાંઠા; પોલીસે કર્ણાટકમાં 45 લાખ રૂપિયાની ચાંદીની લૂંટ, આરોપીઓને પાલનપુર થી પકડી પાડ્યા

સંબંધિત સમાચાર

પાલનપુર-અંબાજી હાઇવે પર મેરવાડા પાસે સ્કોર્પિયો ખાડામાં ખાબકી

વડગામના લિંબોઈ ખાતે સરસ્વતી કોલેજમાં પૂર્વ મુખ્યમંત્રીની અધ્યક્ષસ્થાને ત્રિવેણી પર્વ ઉજવાયો

ડીસામાં મધરાત્રે ક્લોરિન ગેસ લીકેજથી ફફડાટ: તંત્રની ત્વરિત કાર્યવાહીથી મોટી જાનહાનિ ટળી

અંબાજી ગબ્બર કામાખ્યા શક્તિપીઠ: અંબુવાચી મહોત્સવ પૂર્ણ થતાં દર્શન પુનઃ શરૂ