પાટણ-શિહોરી માર્ગ પર સુજનીપુર ગામ નજીક મોડી રાત્રે અઢી વાગ્યાના સુમારે થરાદ ડેપોની સુરત-થરાદ એસ.ટી. બસ અને ડમ્પર વચ્ચે ગંભીર અકસ્માત સર્જાયો હતો.સદનસીબે બસમાં સવાર 20 મુસાફરોનો આબાદ બચાવ થતાં મોટી દુર્ઘટના ટળી હતી.
મળતી વિગતો અનુસાર,એસટી બસની આગળ જઈ રહેલું ડમ્પર અચાનક વળી જતાં પાછળ આવી રહેલી એસ.ટી. બસ તેના પાછળના ભાગે ધડાકાભેર અથડાઈ હતી.ટક્કર એટલી જોરદાર હતી કે બસ અને ડમ્પર બંનેના આગળના ભાગનો કચ્ચરઘાણ વળી ગયો હતો. બનાવના પગલે બસમાં ચીસા ચીસ મચી ગઈ હતી અને મુસાફરો ભયભીત થઈ ગયા હતા.આ ઘટનામાં ડમ્પર ચાલકને કાચ વાગવાથી સામાન્ય ઈજા પહોંચી હતી.અકસ્માતના કારણે હાઈવે પર થોડા સમય માટે ટ્રાફિક જામ થઈ ગયો હતો. બનાવની જાણ થતાં જ સરસ્વતી પોલીસનો કાફલો સ્થળ પર પહોંચ્યો હતો. અને વાહન વ્યવહાર પૂર્વવત કરાવી કાયદેસરની કાર્યવાહી હાથ ધરી હતી.
