OMG: હવે વિદ્યાર્થીઓને ભણાવશે AI ટીચર, જાણો શું છે તેની ખાસીયતો

આર્ટિફિશિયલ ઇન્ટેલિજન્સ એટલે કે AI નો ઉપયોગ સમગ્ર વિશ્વમાં ઝડપથી વધી રહ્યો છે. હવે ભારતમાં શિક્ષણ ક્ષેત્રે પણ AIનો ઉપયોગ થઈ રહ્યો છે. AIનું ક્ષેત્ર સતત પ્રગતિ કરી રહ્યું છે, આ ક્ષેત્રમાં દરરોજ નવા ફેરફારો થઈ રહ્યા છે. હવે ભારતમાં શિક્ષણ ક્ષેત્રે પણ AIનો ઉપયોગ થઈ રહ્યો છે.

સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોમાં શાળાના વિદ્યાર્થીઓને AIની મદદથી શીખવવામાં આવી રહ્યું છે. આ વીડિયો કેરળ રાજ્યનો છે. જેને makerlabs_officialએ પોતાના ઈન્સ્ટાગ્રામ હેન્ડલ પર શેર કર્યો છે. કેરળ પહેલું રાજ્ય બન્યું છે જ્યાં AIની મદદથી શિક્ષણનું સંચાલન કરવામાં આવે છે. આ માટે હ્યુમનોઇડ રોબોટનો ઉપયોગ કરવામાં આવી રહ્યો છે. જનરેટિવ એઆઈ સ્કૂલ ટીચરને ગયા મહિને જ સ્કૂલમાં સામેલ કરવામાં આવ્યા હતા, જે હવે વિદ્યાર્થીઓમાં ખૂબ લોકપ્રિય થઈ ગયા છે.

AI રોબોટ શિક્ષક

વીડિયોમાં એક મહિલા એઆઈ ટીચર સાડી પહેરીને કેરળની જનરેટિવ એઆઈ સ્કૂલમાં બાળકોને મળી રહી છે. તે સ્કૂલના બાળકો સાથે હાથ મિલાવતી પણ જોવા મળી હતી. આ હ્યુમનૉઇડ રોબોટને આઇરિસ નામ આપવામાં આવ્યું છે. AI શિક્ષક આઇરિસ 3 વિષયો વિશે વાત કરી શકે છે. આની મદદથી આઈરિસ કોઈપણ અઘરા પ્રશ્નનો સરળ રીતે મિનિટોમાં જવાબ આપી શકે છે જેથી બાળકો તેના પ્રશ્નો સરળતાથી સમજી શકે.

AI રોબોટ લાવનારી કંપની ‘MakerLabs Edutech’ અનુસાર, Iris માત્ર કેરળમાં જ નહીં પરંતુ દેશમાં પ્રથમ જનરેટિવ AI શિક્ષક છે. AI શિક્ષક આઇરિસનો જ્ઞાન આધાર ChatGPT જેવા પ્રોગ્રામિંગથી બનેલો છે. તમને જણાવી દઈએ કે આ રોબોટ નીતિ આયોગના અટલ ટિંકરિંગ લેબ (ATL) પ્રોજેક્ટ હેઠળ બનાવવામાં આવ્યો છે.