નવસારીમાં 6 ઇંચ વરસાદ પડતા નીચાણવાળા વિસ્તારોમાં પુર જેવી સ્થિતિ

હવામાન વિભાગ દ્વારા આગાહી કરવામાં આવી રહી છે જેના પગલે સમગ્ર રાજ્યમાં વરસાદ વરસી રહ્યો છે. ત્યારે વાત કરીએ નવસારીની તો અહી ૬ ઇંચ જેટલો વરસાદ પડતા નીચાણવાળા વિસ્તારોમાં પાણી ભરાયા છે. પાણી ભરાતા લોકો મુશ્કેલીમાં મુકાયા હતા. ગુજરાતના વિવિધ ભાગોમાં છેલ્લા ઘણાં દિવસોથી ધોધમાર વરસાદ પડી રહ્યો છે. ત્યારે નવસારીમાં 6 ઇંચથી વધુ વરસાદ ખાબકતાં જનજીવન અસ્તવ્યસ્ત થઈ ગયું છે. મોટાભાગની નદીઓ તોફાની બની છે. જેથી નીચાણવાળા વિસ્તારોમાં પૂર જેવી પરિસ્થિતિ સર્જાઈ છે. નવસારીથી ગણદેવીને જોડતો સ્ટેટ હાઇવે બંધ કરાયો છે.