NEET UG 2024 ની પરીક્ષા 5મી મેના રોજ, પરીક્ષા હોલમાં આ દિશાનિર્દેશોનું કરવું પડશે પાલન
NTA ભારત અને વિદેશના 14 શહેરોમાં ઑફલાઇન મોડમાં 5 મેના રોજ NEET UG 2024નું આયોજન કરી રહ્યું છે. જે ઉમેદવારો NEET 2024 માટે પરીક્ષા આપી રહ્યા છે તેઓએ પરીક્ષા કેન્દ્ર પર તેમની હોલ ટિકિટ સાથે રાખવી આવશ્યક છે. NEET હોલ ટિકિટ વિનાના લોકોને પરીક્ષા હોલમાં પ્રવેશવાની મંજૂરી આપવામાં આવશે નહીં.
NEET માટે જારી કરાયેલ માર્ગદર્શિકા મુજબ, પરીક્ષા બપોરે 2 વાગ્યાથી 5.20 વાગ્યા સુધી 3 કલાક 20 મિનિટના સમયગાળા માટે એક જ શિફ્ટમાં લેવામાં આવશે. વિદ્યાર્થીઓને પરીક્ષા ખંડની અંદર ઈલેક્ટ્રોનિક ઉપકરણો કે નોટ્સ લઈ જવાની મંજૂરી આપવામાં આવશે નહીં.
NEET UG 2024 માટે હાજર રહેલા ઉમેદવારોએ માર્ગદર્શિકા ધ્યાનથી વાંચવી જોઈએ.
– પરીક્ષા કેન્દ્રની અંદર પ્રવેશ પરીક્ષા શરૂ થવાના 2 કલાક પહેલા શરૂ થશે.
– બપોરે 1:30 વાગ્યા પછી કોઈ ઉમેદવારને પરીક્ષા કેન્દ્રમાં પ્રવેશવા દેવામાં આવશે નહીં.
– પરીક્ષા કેન્દ્ર પર પહોંચ્યા પછી ફોટો અને ઓળખની ચકાસણી કરવામાં આવશે.
-ઉમેદવારોએ પાસપોર્ટ સાઇઝના ફોટા સાથે એડમિટ કાર્ડની ફોટોકોપી પણ સાથે રાખવાની રહેશે.
– હાજરીપત્રકમાં ચોક્કસ જગ્યાએ ચોંટાડવાનો ફોટોગ્રાફ,
હાજરીપત્રક પર સફેદ પૃષ્ઠભૂમિ સાથેનો પોસ્ટકાર્ડ સાઇઝનો રંગીન ફોટોગ્રાફ ચોંટાડવો.
-ઉમેદવારોને કોઈપણ પ્રતિબંધિત વસ્તુ લાવવાની મંજૂરી નથી. જો આ પ્રતિબંધિત વસ્તુઓ કબજે કરવામાં આવે તો ઉમેદવારી રદ થઈ શકે છે.
– પરીક્ષા પૂરી ન થાય ત્યાં સુધી કોઈપણ ઉમેદવારને તેની બેઠક કે પરીક્ષા હોલ છોડવા દેવામાં આવશે નહીં.
-હોલ છોડતા પહેલા તેઓએ તેમની OMR શીટ પરીક્ષકને સોંપવી પડશે.