ભારત સરકારે ટિકટોક સહિત 59 ચાઇનિઝ એપ પર પ્રતિબંધ મૂક્યો

ચીન સામે એક આકરી પ્રતિક્રિયા તરીકે કેન્દ્ર સરકારે અમુક પ્રચલિત ચાઇનિઝ એપ પર પ્રતિબંધ લાગૂ કર્યો છે. કેન્દ્ર સરકારે એક નોટિફિકેશન બહાર પાડીને કહ્યું છે કે આ એપ્સના ઉપયોગથી પ્રાઇવેસી અને ડેટા ચોરી અંગેનો ખતરો હતો. આ મામલે ઘણી ફરિયાદો સરકાર સમક્ષ આવી હતી. તેથી દેશના સાર્વભૌમત્વ અને લોકોની પ્રાઇવેસી ભંગ થાય તેની સામે આકરા પગલા લેવામાં આવે તેવી લોકોની માંગ હતી. તેને ધ્યાનમાં રાખીને સરકારે 59 ચાઇનિઝ એપ પર પ્રતિબંધ લાગૂ કર્યો છે. તેમાં ટિકટોક, હેલો, શેરઇટ, યુસી બ્રાઉઝર , ઝેન્ડર સહિતની પ્રચલિત એપનો સમાવેશ થાય છે.