સુનીતા વિલિયમ્સનું ત્રીજી વાર અંતરીક્ષમાં જવાનું સપનું તૂટ્યું, સ્પેસક્રાફ્ટમાં ટેકનીકલ ખરાબીએ બગાડ્યો આખો ખેલ 

ભારતીય મૂળના અવકાશયાત્રી સુનિતા વિલિયમ્સ મંગળવારે (7 મે) નેશનલ એરોનોટિક્સ એન્ડ સ્પેસ એડમિનિસ્ટ્રેશન એટલે કે નાસાના સ્ટારલાઇન સ્પેસક્રાફ્ટમાં ત્રીજી વખત અવકાશમાં જવાના હતા… પરંતુ અવકાશયાન ઉપડવાનું હતું તેના થોડા સમય પહેલા આ મિશન મોકૂફ રાખવામાં આવ્યું હતું. સ્પેસ એજન્સીના જણાવ્યા અનુસાર સ્પેસક્રાફ્ટના વાલ્વમાં સમસ્યાના કારણે મિશન મોકૂફ રાખવામાં આવ્યું હતું. હવે નાસા ટૂંક સમયમાં આ મિશનની નવી તારીખ જાહેર કરશે.

જાણો કોણ છે સુનીતા વિલિયમ્સ?

સુનિતા વિલિયમ્સ ભારતીય મૂળની અમેરિકન અવકાશયાત્રી છે અને તેનો જન્મ 1965માં થયો હતો. એવું કહેવાય છે કે સુનીતા વિલિયમસન અમેરિકન નેવલ એકેડમીમાંથી ગ્રેજ્યુએટ છે અને ગ્રેજ્યુએશન પછી તેણે નાસા સાથે કામ કરવાનું શરૂ કર્યું. સુનિતાએ અત્યાર સુધીમાં બે વખત અવકાશની યાત્રા કરી છે અને 30 પ્રકારના ફાઇટર એરક્રાફ્ટ સાથે 3000 કલાકનો ઉડ્ડયનનો અનુભવ ધરાવે છે.

સુનીતાનો અવકાશનો અનુભવ કેવો રહ્યો?

મળતી માહિતી મુજબ, સુનીતા વિલિયમ્સ અત્યાર સુધીમાં બે વખત અંતરિક્ષમાં જઈ ચુકી છે, તે 2006માં પહેલીવાર અવકાશ યાત્રા પર ગઈ હતી. તેમની પ્રથમ યાત્રા દરમિયાન તેમણે લગભગ 195 દિવસ અવકાશમાં વિતાવ્યા હતા. બીજી વખત તે 2012માં અવકાશમાં ગઈ હતી અને આ વખતે તે 127 દિવસ સુધી અંતરિક્ષમાં રહી હતી. બીજી અવકાશ યાત્રા દરમિયાન સુનીતાએ 4 વખત સ્પેસ વોક કર્યું હતું.

સ્ટારલાઇનર સ્પેસક્રાફ્ટ શું છે તે પણ જાણો

તમને જણાવી દઈએ કે સ્ટારલાઈનર સ્પેસક્રાફ્ટ એક અવકાશયાન છે જેના દ્વારા અવકાશયાત્રીઓને અવકાશમાં લઈ જવામાં આવે છે. સ્ટારલાઇનને 21મી સદીની સ્પેસ કેપ્સ્યુલ પણ કહેવામાં આવે છે. કારણ કે આ વાહનમાં મુસાફરોની સુવિધા માટે ઈન્ટરનેટ અને ટેબલેટ ટેકનોલોજીનો સમાવેશ થાય છે. કહેવાય છે કે આ અવકાશયાન બોઈંગ દ્વારા નાસાની મદદથી બનાવવામાં આવ્યું છે.