ડીસાના રહેણાંક વિસ્તારોમાં બનતા બે ગેરકાયદેસર કોમર્શિયલ ગોડાઉનો સીલ

ગેરકાયદેસર બાંધકામો સામે નગરપાલિકાની લાલ આંખ : ડીસા શહેરના વિરેન પાર્ક અને લાલ ચાલી જેવા રહેણાંક વિસ્તારોમાં કોમર્શિયલ ગોડાઉનોના ગેરકાયદેસર બાંધકામ સામે નગરપાલિકાએ લાલ આંખ કરી છે. આજુબાજુના રહીશો દ્વારા કરવામાં આવેલી ફરિયાદ બાદ નગરપાલિકા દ્વારા તાત્કાલિક કાર્યવાહી કરીને બંને જગ્યાએ ચાલી રહેલા બાંધકામને અટકાવી દેવામાં આવ્યું છે અને સ્થળ પર નોટિસ પણ ચોંટાડવામાં આવી છે. પ્રાપ્ત માહિતી અનુસાર, વિરેન પાર્ક અને લાલ ચાલી વિસ્તારમાં પ્લોટ ધારકો દ્વારા રહેણાંક ઝોનમાં કોમર્શિયલ ગોડાઉનોનું નિર્માણ કરવામાં આવી રહ્યું હતું. આ બાંધકામ માટે ડીસા નગરપાલિકા પાસેથી કોઈ પણ પ્રકારની મંજૂરી કે પરવાનગી લેવામાં આવી ન હતી. જેને કારણે આજુબાજુના રહેવાસીઓને ભારે અસુવિધા અને પરેશાની ભોગવવી પડી રહી હતી.

રહીશો દ્વારા નગર પાલિકામાં આ અંગેની લેખિત ફરિયાદ કરવામાં આવતા, ડીસા નગરપાલિકાના ચીફ ઓફિસર દ્વારા આ મામલે ગંભીર નોંધ લેવામાં આવી હતી.ચીફ ઓફિસરના આદેશથી, નગરપાલિકાની ટીમે તાત્કાલિક ધોરણે વિરેન પાર્ક અને લાલ ચાલી ખાતે ચાલી રહેલા ગેરકાયદેસર બાંધકામ સ્થળોની મુલાકાત લીધી હતી.સ્થળ પર તપાસ કરતા જણાયું હતું કે, ગોડાઉનના માલિકો પાસે બાંધકામ માટેની કોઈ કાયદેસર પરવાનગી નથી. આથી, નગરપાલિકા દ્વારા તાત્કાલિક અસરથી બંને જગ્યાએ કામ અટકાવવાનો આદેશ આપ્યો હતો અને સ્થળ પર નોટિસ ચોંટાડીને બાંધકામ સીલ કરી દેવામાં આવ્યું હતું.નગરપાલિકાના આ કડક પગલાથી ગેરકાયદેસર બાંધકામ કરતા તત્વોમાં ફફડાટ વ્યાપી ગયો છે.

ડીસાના રહેણાંક વિસ્તારોમાં બનતા બે ગેરકાયદેસર કોમર્શિયલ ગોડાઉનો સીલ

સંબંધિત સમાચાર

પાલનપુર-અંબાજી હાઇવે પર મેરવાડા પાસે સ્કોર્પિયો ખાડામાં ખાબકી

વડગામના લિંબોઈ ખાતે સરસ્વતી કોલેજમાં પૂર્વ મુખ્યમંત્રીની અધ્યક્ષસ્થાને ત્રિવેણી પર્વ ઉજવાયો

ડીસામાં મધરાત્રે ક્લોરિન ગેસ લીકેજથી ફફડાટ: તંત્રની ત્વરિત કાર્યવાહીથી મોટી જાનહાનિ ટળી

અંબાજી ગબ્બર કામાખ્યા શક્તિપીઠ: અંબુવાચી મહોત્સવ પૂર્ણ થતાં દર્શન પુનઃ શરૂ