બનાસકાંઠા જિલ્લાની થરાદ પોલીસે નશાના સોદાગરો સામે લાલ આંખ કરી છે. ભારતમાલા હાઈવે પર આવેલા વાંતડાઉ ચેકપોસ્ટ નજીકથી પોલીસે બાતમીના આધારે લાખોની કિંમતના માદક પદાર્થ સાથે બે શખ્સોને ઝડપી પાડી નશાના નેટવર્ક પર મોટો પ્રહાર કર્યો છે.
પોલીસે હાઈવે પર નાકાબંધી દરમિયાન રાજસ્થાન તરફથી આવતી એક શંકાસ્પદ કારને અટકાવી હતી. ગાડીની સઘન તપાસ કરતા તેમાંથી આશરે 17.73 ગ્રામ એમ્ફેટામેઇન (MD) ડ્રગ્સનો જથ્થો મળી આવ્યો હતો, જેની બજાર કિંમત અંદાજે ₹1.77 લાખ આંકવામાં આવી છે. પોલીસે ડ્રગ્સ અને કાર સહિત કુલ ₹3.92 લાખનો મુદ્દામાલ જપ્ત કર્યો છે.
