બનાસકાંઠા જિલ્લા પોલીસ વડાની સૂચના મુજબ જિલ્લામાં ચાલતી ગેરકાયદેસર પ્રવૃત્તિઓને ડામવા થરા પોલીસ દ્વારા સઘન કામગીરી હાથ ધરવામાં આવી રહી છે.દરમિયાન, થરા પોલીસ સ્ટેશનના સ્ટાફને ચોક્કસ બાતમી મળી હતી કે,ઓગડ તાલુકાના થરા પોલીસ હદના નાથપુરા ગામની સીમમાં આવેલા વડેચી માતાજીના મંદિર પાછળ લીમડાના ઝાડ નીચે કેટલાક ઈસમો પૈસાથી હાર-જીતનો જુગાર રમી રહ્યા છે.
બાતમીના આધારે પોલીસ સ્ટાફ તથા પંચોને સાથે રાખી તાત્કાલિક સ્થળ પર દરોડો પાડવામાં આવ્યો હતો. દરોડા દરમિયાન જાહેરમાં જુગાર રમતા ત્રણ ઈસમોને રંગે હાથ ઝડપી પાડવામાં આવ્યા હતા.પકડાયેલ આરોપીઓમાં લાખાજી ભીખાજી ઠાકોર, બકુલજી પ્રભાતજી ઠાકોર અને બાબુજી કરશનજી ઠાકોરનો સમાવેશ થાય છે.પોલીસે આરોપીઓ પાસેથી રોકડ રૂ. ૧૦૧૨૦ નો મુદ્દામાલ કબજે કર્યો હતો.અને તમામ આરોપીઓ વિરુદ્ધ થરા પોલીસ સ્ટેશન ખાતે જુગારધારા કલમ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે.થરા પોલીસ દ્વારા પાલિકા વિસ્તારમાં બસ સ્ટેશન તથા જાહેર સ્થળોએ આવી ગેરકાયદેસર ચાલી રહેલી પ્રવૃત્તિઓ વિરુદ્ધ બાહોશ પોલીસ ઇન્સ્પેક્ટર દ્વારા કાર્યવાહી ચાલુ કરવામાં આવે તેમ લોકો ઇચ્છી રહ્યા છે.
