સાબરકાંઠા પોલીસની મોટી સફળતા: બાઈક અને 11 મોબાઈલ સાથે લૂંટારુ ગેંગના સભ્યો ઝડપાયા

સાબરકાંઠા જિલ્લામાં વેપારીઓને નિશાન બનાવી મોબાઈલ લૂંટ ચલાવતી ગેંગનો સાબરકાંઠા LCB પોલીસે પર્દાફાશ કર્યો છે. ટેકનિકલ સર્વેલન્સ અને હ્યુમન ઇન્ટેલિજન્સના આધારે પોલીસે લૂંટના ગુનામાં સામેલ આરોપીઓને દબોચી લીધા છે. પકડાયેલા શખ્સો પાસેથી વેપારી પાસેથી લૂંટેલા 11 કિંમતી મોબાઈલ અને ગુનામાં વપરાયેલ મોટરસાયકલ સહિતનો મુદ્દામાલ જપ્ત કરી પોલીસે આગળની કાયદેસરની કાર્યવાહી હાથ ધરી છે. આ સફળતાથી પંથકના વેપારીઓમાં રાહતની લાગણી જોવા મળી રહી છે.