અમીરગઢ બનાસ નદી પર આવેલ ચેકડેમ સાવ ખાલી
વાતાવરણ વિભાગ અને નિષ્ણાત આગાહી કાર અંબાલાલ રાજ્યના વિવિધ ભાગોમાં અને જિલ્લાઓમાં વરસાદ પડવાની આગાહી કરી રહ્યા છે. પણ જાણે કુદરત અને ઇન્દ્રદેવ નિરાશ થઈ ને બેઠા હોય એવું પ્રતીત થઈ રહ્યું છે. આખો જૂન મહિનો કોરો ગયો આમ કહીએ તોય ચાલે એમ છે અને જુલાઈ પણ શરૂ થઈ ગયો છે. અને થોડાજ દિવસોમાં આષાઢી બીજ પણ આવી જશે પરંતુ વરસાદ અને ઇન્દ્રદેવ જાણે હાથ તાળી રમતા હોય એવું લાગી આવી રહ્યું છે. રોજ સવારે અને સાંજ આકાશમાં કાળા ડીબાંગ વાદળો અને વરસાદી પવન ફૂંકાઈ રહ્યો છે જાણે હાલ વરસાદ આવી જશે પણ થોડી જ વારમાં બધું વેરવિખેર થઈ જાય છે. જાણે હાથ તાળી આપવા આવ્યા હતાને આપીને જતા રહ્યા.
બીજી તરફ વરસાદી બફારો અને ગરમીથી લોકો ત્રાહિમામ પોકારી ઉઠ્યા છે ગરમીએ માઝા મૂકતા લોકોને ઘરની બહાર નીકળવું પણ અઘરું પડી રહ્યું છે વરસાદ ની ખેંચવાની અસર આમ પ્રજા પણ દેખાવવા લાગી છે લોકોના ઘરે ઘરે બુમરાડ છે. મેઘરાજા અને ઇન્દ્રદેવને મનાવવા લોકો એનકેન પ્રયત્નો કરી રહ્યા છે ક્યાંક જૂની માન્યતા પ્રમાણે લોકો ઢૂંઢિયા બાપજી બનાવી ને ઇન્દ્રદેવ અને મેઘરાજાને રીઝવી રહ્યા છે. તો ક્યાંક બજારો બંધ રાખી હવન , પૂજા અર્ચના કરવામાં આવી રહ્યા છે.. હેવતો ધરતીપુત્ર આકાશમાં આંખો માંડી ને બેઠો છે કે હે પ્રભુ હવે તો વરસ.
