પાટણમાં PSE/SSE-2025-26 ની પરીક્ષા શાંતિપૂર્ણ સંપન્ન

1366 વિદ્યાર્થીઓ માથી 140 વિધાર્થીઓ ગેરહાજર રહ્યા પાટણ જિલ્લામાં રાજ્ય પરીક્ષા બોર્ડ દ્વારા આયોજિત PSE/SSE-2025-26ની પરીક્ષા શાંતિપૂર્ણ માહોલમા જિલ્લા શિક્ષણાધિકારી અશોક ચૌધરીના માર્ગદર્શન હેઠળઝોનલ અધિકારી ભરતભાઈ પટેલ, મદદનીશ અધિકારીઓ કે.બી.ચૌધરી અને રાકેશભાઈ સુથારની દેખરેખ હેઠળ લેવાઈ હતી.જિલ્લાના વિવિધ પરીક્ષા કેન્દ્રો પરથી પ્રાપ્ત આંકડા મુજબ, કુલ 1366 વિદ્યાર્થીઓ નોંધાયા હતા જે માંથી 1226 વિદ્યાર્થીઓ પરીક્ષામાં હાજર રહ્યા હતા,જ્યારે 140 વિદ્યાર્થીઓ ગેરહાજર નોંધાયા હતા. આ ગેરહાજરીનો દર 10 ટકાથી વધુ રહ્યો હતો. કેન્દ્રવાર વિગતો જોઈએ તો, પાટણની પી.પી.જી. એક્સપેરિમેન્ટલ યુનિટ-1 હાઈસ્કૂલ ખાતે 333 વિદ્યાર્થીઓમાંથી 291 હાજર અને 42 ગેરહાજર રહ્યા હતા. પી.પી.જી. એક્સપેરિમેન્ટલ યુનિટ-2 હાઈસ્કૂલ ખાતે 334 નોંધાયેલા વિદ્યાર્થીઓ માંથી 296 હાજર અને 38 ગેરહાજર હતા.રાધનપુરના આદર્શ વિદ્યાલય SSE કેન્દ્રમાં 194 વિદ્યાર્થીઓમાંથી 180 હાજર અને 14 ગેરહાજર રહ્યા હતા. વારાહીની પી.એમ. ગોકલાણી હાયર સેકન્ડરી સ્કૂલ (PSE) કેન્દ્ર પર 298 વિદ્યાર્થીઓ માંથી 267 હાજર અને 31 વિદ્યાર્થીઓ ગેરહાજર નોંધાયા હતા.સમગ્ર પરીક્ષા દરમિયાન જિલ્લાના કોઈપણ કેન્દ્ર પર ગેરરીતિનો એક પણ કેસ નોંધાયો ન હતો, જે પરીક્ષાના સુચારુ સંચાલનનું પરિણામ દર્શાવે છે.