પાટણ બી-ડિવિઝન ટ્રાફિક પોલીસની દાદાગીરી અને ભ્રષ્ટાચારના આક્ષેપ સાથે એક યુવક પાટણ જિલ્લા પોલીસવડાની કચેરી આગળ ઘરણા ઉપર બેઠો હતો.જયમીન સોલંકી નામના આ યુવકે જણાવ્યું હતું કે હું શિહોરી ત્રણ રસ્તા પાસેથી પસાર થઈ રહ્યો હતો ત્યારે ફોન પર વાત કરવા બદલ પોલીસે મને રોક્યો હતો. મે મારી ભૂલ સ્વીકારી કાયદે
સરનો દંડ ભરવાની તૈયારી બતાવી હતી. છતાં પોલીસે ગેરકાયદેસર ઉઘરાણીની માંગણી કરી હતી. ભ્રષ્ટાચારનો વિરોધ કરતા ઓન-ડ્યુટી પોલીસે મને ગાડીમાં પૂરી લાકડીઓથી બેરહેમીપૂર્વક માર માર્યો હતો. મારના કારણે 108 મારફતે ધારપુર હોસ્પિટલમાં 28 કલાક સારવાર લેવી પડી હતી. ત્યારબાદ હું બી-ડિવિઝન પોલીસે ફરિયાદ નોંધાવા ગયો હતો. પરંતુ પોલીસે ફરિયાદ ના લેતા પોલીસવડાની કચેરીએ ધરણાનો માર્ગ અપનાવ્યો હોવાનું તેણે જણાવ્યું હતું.
