સાબરકાંઠા જિલ્લાના પ્રાંતિજ નજીક આવેલી જાણીતી તિરૂપતિ હોટલમાં અચાનક ભીષણ આગ ફાટી નીકળતા સમગ્ર પંથકમાં અફરાતફરીનો માહોલ સર્જાયો છે. આગની તીવ્રતા એટલી વધારે હતી કે જોતજોતામાં આગે વિકરાળ સ્વરૂપ ધારણ કરી લીધું હતું, જેને પગલે હોટલની મિલકતને મોટાપાયે નુકસાન થવાની ભીતિ સેવાઈ રહી છે.
ઘટનાની જાણ થતા જ હિંમતનગર ફાયર વિભાગનો કાફલો તાત્કાલિક ઘટનાસ્થળે દોડી ગયો છે. ફાયર ફાઇટરો દ્વારા સતત પાણીનો મારો ચલાવી આગ પર કાબૂ મેળવવા માટે યુદ્ધના ધોરણે પ્રયાસો હાથ ધરવામાં આવ્યા છે. પ્રાથમિક અહેવાલો મુજબ, આગ લાગવાનું કારણ હજુ અકબંધ છે, પરંતુ તંત્ર દ્વારા પ્રથમ પ્રાથમિકતા આગને વધુ પ્રસરતી અટકાવવાની રાખવામાં આવી છે.
