સિધ્ધપુર પોલીસે રોકડ રકમ,મોબાઈલ ફોન સહિત જુગાર સાહિત્ય કબજે કરી કાર્યવાહી હાથ ધરી
સિધ્ધપુર પોલીસે સિધ્ધપુર શહેરની એ વન હોટલની ગલીમા રહેતા યુસૂફભાઇ હનીફભાઇ પઠાણ નાઓના ઘરની સામે આવેલ વિજળીના થાભલા પાસે લાઈટના અજવાળે રોડની સાઇડમા ખુલ્લી જગ્યામાં બેસી ગંજીપાનાથી તીનપત્તીનો હારજીતનો જુગાર રમી રમાડાતો હોવાની મળેલી હકિકત આધારે ઉપરોક્ત જગ્યાએ ટીમ સાથે રેઇડ કરી કુલ -૦૬ આરોપીઓને રોકડ રકમ રૂ.૨૮,૧૦૦ તથા મોબાઇલ નંગ-૦૫ મળી કુલ કિ. રૂ. ૩૦,૦૦૦ અને જુગાર રમવાના સાહીત્ય સાથે તમામ જુગારીઓને ઝડપી તમામ વિરુદ્ધ જુગાર ધારાની કલમ હેઠળ ગુનો નોંધી તપાસ હાથ ધરી હોવાનું જાણવા મળ્યું છે.
સિધ્ધપુર પોલીસની જુગારધામ પરની ઓચિંતી રેઈડ દરમ્યાન ઝડપાયેલા જુગારીઓમા સિધ્ધરાજજી રામજી ઠાકોર,સની રમેશભાઇ ઠાકોર,આસીફ અબ્દુલભાઇ શેખ,નાગજીજી જવાનજી ઠાકોર,વસીમ ઉર્ફે જોન્ટી યૂસુફભાઇ નાગોરી અને કિરણજી દલાજી ઠાકોર તમામ રહે- સિધ્ધપુર વાળા હોવાનું જાણવા મળ્યું છે.
