પોલીસને મળી સફળતા: સાબરકાંઠાના વાવડીમાં રૂ. 8.36 લાખની ચોરી કરનાર તસ્કરોને મુદ્દામાલ સાથે દબોચી લેવાયા

સાબરકાંઠાના જિલ્લાના હિમતનગર તાલુકાના વાવડી ગામે તસ્કરીની ઘટનાઓ વધી રહી છે. ત્યારે વાવડી ગામે થયેલી લાખોની ચોરીનો ભેદ પોલીસે ગણતરીના સમયમાં ઉકેલી નાખ્યો છે. મકાનના નળિયા ખોલી અંદર પ્રવેશી રૂ. ૮.૩૬ લાખની રોકડ અને સોના-ચાંદીના દાગીનાની ચોરી કરનાર શખ્સને પોલીસે મુદ્દામાલ સાથે દબોચી લીધો છે. ચોંકાવનારી વિગત એ છે કે, ચોરી કરનાર શખ્સ ગામનો જ હોવાનું બહાર આવ્યું છે.