પાટણ ખાતે નેશનલ ડિઝાસ્ટર રિસ્પોન્સ ફોર્સ (NDRF)ની ટીમે આપત્તિ વ્યવસ્થાપન અંગે તાલીમ આપી

પાટણ પોલીસના મુખ્ય મથક ખાતે શુક્રવારે નેશનલ ડિઝાસ્ટર રિસ્પોન્સ ફોર્સ (NDRF)ની ટીમે આપત્તિ વ્યવસ્થાપન અંગે પોલીસ કમૅચારી ઓને વિશેષ તાલીમ આપવાનો કાર્યક્રમ યોજાયો હતો. આ તાલીમમાં કુદરતી અને માનવ સર્જિત આફતોનો સામનો કરવાની પદ્ધતિઓ શીખવવામાં આવી હતી. આ સાથે NDRF ટીમે પૂર, ભૂકંપ અને આગ જેવી આપત્તિઓ દરમિયાન બચાવ કાર્યો કેવી રીતે કરવા તે અંગે પોલીસ કમૅચારીઓને માર્ગદર્શન સાથે બચાવ સાધનોના ઉપયોગની પ્રેક્ટિકલ ટ્રેનિંગ આપવામાં આવી હતી. આ તાલીમ કાર્યક્રમ દરમ્યાન વૃક્ષારોપણ કરી પર્યાવરણ જાળવણીનો સંદેશ આપવામાં આવ્યો હતો. આ તાલીમ કાર્યક્રમમાં સિદ્ધપુર DySP કે.કે. પંડ્યા સહિત અનેક પોલીસ અધિકારીઓ અને કર્મચારીઓએ ઉપસ્થિત રહી તાલીમ કાર્યક્રમમાં ભાગ લીધો હતો.