મહેસાણા કોર્પોરેશન: સ્ટેન્ડિંગ કમિટીની પ્રથમ બેઠકમાં વિવિધ વિકાસ કામો પર ચર્ચા

મહેસાણા મ્યુનિસિપલ કોર્પોરેશનની રચના બાદ આજે નવી નવ નિયુક્ત સ્ટેન્ડિંગ કમિટીની સર્વપ્રથમ બેઠક મનપા સભાખંડ ખાતે યોજાઈ હતી. કમિટીના ચેરમેનની અધ્યક્ષતામાં મળેલી આ ઐતિહાસિક બેઠકમાં કમિશનર સહિતના ઉચ્ચ અધિકારીઓ અને કમિટીના સભ્યો ખાસ ઉપસ્થિત રહ્યા હતા. આ પ્રથમ બેઠકમાં મહેસાણા શહેરના વિકાસને નવી ગતિ આપવા માટે રોડ-રસ્તા, પાણી, સ્માર્ટ લાઈટ્સ અને ટ્રાફિક વ્યવસ્થા જેવા લોકહિતના વિવિધ વિકાસલક્ષી કામોના એજન્ડા પર વિસ્તૃત ચર્ચા-વિચારણા કરીને મંજૂરીની મહોર મારવામાં આવી હતી.