ભારતે ગુરુવારે બે સ્વદેશી રીતે વિકસિત ટૂંકા અંતરની બેલિસ્ટિક મિસાઇલો - પૃથ્વી-2 અને અગ્નિ-1 નું સફળતાપૂર્વક પરીક્ષણ કર્યું. સંરક્ષણ મંત્રાલયે બંનેના સફળ પ્રક્ષેપણની પુષ્ટિ કરતા કહ્યું કે તેઓએ મિશનના તમામ ઉદ્દેશ્યો પૂર્ણ કર્યા હતા.
માહિતી અનુસાર, 17 જુલાઈ 2025 ના રોજ, ઓડિશાના ચાંદીપુર ખાતેના ઇન્ટિગ્રેટેડ ટેસ્ટ રેન્જથી ટૂંકા અંતરની બેલિસ્ટિક મિસાઇલો પૃથ્વી-2 અને અગ્નિ-1 નું સફળતાપૂર્વક પરીક્ષણ કરવામાં આવ્યું હતું. આ પરીક્ષણોમાં તમામ ઓપરેશનલ અને ટેકનિકલ પરિમાણોની પુષ્ટિ કરવામાં આવી હતી. આ પરીક્ષણો સ્ટ્રેટેજિક ફોર્સિસ કમાન્ડ (SFC) ના નેજા હેઠળ હાથ ધરવામાં આવ્યા હતા.
પૃથ્વી-2 મિસાઇલની વિશેષતાઓ-
- તે પરમાણુ ક્ષમતા ધરાવતી, સપાટીથી સપાટી પર ટૂંકી અંતરની બેલિસ્ટિક મિસાઇલ છે.
- તેની રેન્જ 350 કિલોમીટર છે.
- તેને સંરક્ષણ સંશોધન અને વિકાસ સંગઠન (DRDO) દ્વારા સ્વદેશી રીતે વિકસાવવામાં આવ્યું છે.
- આ મિસાઇલ પોતાના લક્ષ્યને ઉચ્ચ ચોકસાઈથી ભેદવામાં સક્ષમ છે.
અગ્નિ-૧ મિસાઈલની વિશેષતા-
- આ પણ એક ટૂંકી અંતરની બેલિસ્ટિક મિસાઇલ છે.
- આ પણ DRDO દ્વારા વિકસાવવામાં આવ્યું છે.
- તે સિંગલ સ્ટેજ મિસાઇલ છે.
- અગ્નિ-૧ નું પરીક્ષણ પણ સફળ રહ્યું. તે તમામ ઓપરેશનલ અને ટેકનિકલ પરિમાણોને પૂર્ણ કરે છે.
