નવી ભીલડી ખાતે ભવ્ય તિરંગા યાત્રાનું આયોજન કરવામાં આવ્યું હતું. ભીલડીના જગદીશ્વર મહાદેવ મંદિરેથી શરૂ થયેલી આ વિશાળ તિરંગા યાત્રા શહેરના વિવિધ માર્ગો પરથી પસાર થઈ આદર્શ હાઇસ્કૂલ ખાતે પહોંચી હતી, જ્યાં ભવ્ય સ્વાગત કરવામાં આવ્યું હતું. અને યાત્રાનું સમાપન કરવામાં આવ્યું હતું.
તિરંગા હાથમાં લઈ મોટી સંખ્યામાં લોકો દેશભક્તિના નારા સાથે યાત્રામાં જોડાયા હતા. યાત્રામાં દિયોદર વિધાનસભાના ધારાસભ્ય કેશાજી ચૌહાણ, ભીલડી ભાજપ મંડળ ના પ્રમુખ અને મહા મંત્રી અને હોદેદારો., ગામના અગ્રણીઓ, વિવિધ શાળાઓના વિદ્યાર્થીઓ સહિત મોટી સંખ્યામાં નાગરિકો ઉપસ્થિત રહ્યા હતા.
યાત્રા દરમિયાન ‘ભારત માતા કી જય’ અને ‘વંદે માતરમ’ના નારાઓથી સમગ્ર ભીલડી શહેર ગુંજી ઉઠ્યું હતું. હાથમાં લહેરાતા તિરંગા અને દેશભક્તિના નાદ વચ્ચે શહેરનું સમગ્ર વાતાવરણ રાષ્ટ્રપ્રેમના રંગે રંગાઈ ગયું હતું. આ યાત્રામાં ભીલડી પોલીસ સ્ટેશનના PSI તથા પોલીસ સ્ટાફ અને જી.આર.ડી જવાનો. રેલવે પોલીસ સ્ટેશનનો સ્ટાફ પણ જોડાયો હતો. ભીલડી એચ.વી.વાલાણી હાઈસ્કૂલ.અને આદર્શ હાઈસ્કૂલના વિદ્યાર્થીઓથી લઈને વડીલો સુધી સૌએ ઉત્સાહભેર ભાગ લઈ દેશ પ્રત્યેનો પ્રેમ અને એકતાનો સંદેશ આપ્યો હતો. નવી ભીલડીની આ તિરંગા યાત્રાએ માત્ર રસ્તાઓ પર તિરંગા લહેરાવ્યા નહીં, પરંતુ લોકોના હૃદયમાં પણ રાષ્ટ્રભક્તિની જ્યોત વધુ પ્રજ્વલિત કરી હતી.
