નેગોશિયેબલ ઇન્સ્ટ્રુમેન્ટ એક્ટના કેસમાં એક વર્ષ કેદની સજા ફટકારાઈ હતી
ભાભર પોલીસે ફરાર આરોપીઓની વોચ દરમિયાન અસાણા ગામ પાસેથી ક્રિમિનલ કેસમાં સજા પામેલા ફરાર આરોપી રોહિતકુમાર વિનોદકુમાર સોની (ઉં.વ. 33) ને ઝડપી પાડ્યો હતો. આરોપી ભાભર કોર્ટના ક્રિમિનલ કેસમાં દોષિત ઠર્યો હતો.
મળતી માહિતી મુજબ, આરોપી વિરુદ્ધ નેગોશિયેબલ ઇન્સ્ટ્રુમેન્ટ એક્ટની કલમ 138 તથા 142 હેઠળ કેસ નોંધાયો હતો. આ કેસમાં ભાભર કોર્ટે રોહિતકુમારને એક વર્ષની સાદી કેદ તથા રૂ.10,000 ના દંડની સજા ફટકારી હતી. દંડની રકમ નહીં ભરે તો વધુ ત્રણ માસની સાદી કેદ ભોગવવાનો પણ હુકમ કરવામાં આવ્યો હતો.
દરમિયાન ભાભર પોલીસ સ્ટાફ ફરાર આરોપીઓની શોધખોળ અને વોચમાં હતો. તે સમયે અસાણા ગામ પાસેથી રોહિતકુમાર સોની મળી આવતા પોલીસે તેને ઝડપી પાડી કાયદેસરની કાર્યવાહી હાથ ધરી હતી. આરોપી મૂળ ભાભરની મોચી શેરીનો રહેવાસી છે અને હાલ થરાદની ગાયત્રીનગર સોસાયટીમાં રહે છે.
