ડીસાના વોર્ડ નં. ૯ માં આવેલ બડાપુરા વિસ્તાર ગંદકીમાં ગરકાવ

સમગ્ર વિસ્તારમાં ગંભીર રોગચાળો ફાટી નીકળવાનો ભય; ડીસા નગરપાલિકા સ્વચ્છ શહેરની વાતો કરે છે ત્યારે શહેરના વોર્ડ નં. ૯ માં આવેલ બડાપૂરા વિસ્તારમાં છેલ્લા એક મહિનાથી સફાઈ ન થતાં અને ગટરોના પાણીનો નિકાલ ન થતાં રસ્તા પર પાણી ફરી વળતા અસહ્ય ગંદકીમાં લોકોને ચાલવું પણ મુશ્કેલ બની ગયું છે. આ માર્ગ પરથી શાળાએ જતાં બાળકો કેટલીય વાર પડી જતાં ભારે ઈજાઓ થાય છે. આ અંગે સ્થાનિક રહેવાશી સદ્દામભાઈ શેખે જણાવ્યું હતું કે નગરપાલિકામાં આ અંગે અમે કેટલીય વાર જાણ કરી છે.છેલ્લા એક મહિનાથી દુર્ગંધને લીધે અમે રાત્રે સૂઈ પણ શકતા નથી જ્યારે મેજબિંન શેખે જણાવ્યું હતું કે એક મહિનાથી ગંદા પાણીની ગટરો ભરાયેલ છે. જેના લીધે અમારા બાળકો વારંવાર બીમાર પડે છે. જ્યારે સ્થાનિક રહેવાશી મુમતાઝ સોલંકીએ જણાવ્યું હતું કે આ અંગે સ્થાનિક કોર્પોરેટર તથા નગરપાલિકામાં વારંવાર જાણ કરેલ પરંતુ નગરપાલિકા કોઈ ભયંકર બીમારી ફેલાય તેની રાહ જોઈ રહ્યું હોય તેમ લાગી રહ્યું છે. ત્યારે નગરપાલિકા પ્રમુખ તાત્કાલિક આ વિસ્તારની મુલાકાત લઈ સફાઈ કરાવી ગટરોના મોટા ભૂંગળા નાખી કાયમી ગંદા પાણીનો નિકાલ લાવી તેવી રહીશોએ માગણી કરી હતી.

ડીસાના વોર્ડ નં. ૯ માં આવેલ બડાપુરા વિસ્તાર ગંદકીમાં ગરકાવ

સંબંધિત સમાચાર

આવતીકાલથી શ્રાવણ માસનો પ્રારંભ : શ્રાવણ માસને લઇ શિવભક્તોમાં અદમ્ય ઉત્સાહ

અંબાજીમાં ધીમીધારે વરસાદથી નીચાણવાળા વિસ્તારો પાણીમાં : વાહનચાલકો પરેશાન

માલગઢ ખાતે ડીસા તાલુકા કક્ષાની વિશાળ તિરંગા યાત્રા નીકળી : સમગ્ર ગામ દેશભક્તિના રંગે રંગાયું

કાંકરેજના ખીમાણા ગામે તિરંગા યાત્રા યોજાઈ