પાલનપુર-અંબાજી હાઇવે પર અકસ્માત: મેરવાડા પાસે સ્કોર્પિયો ખાડામાં ખાબકતા બે ઇજાગ્રસ્ત

સ્ટેરિંગ પરથી કાબૂ ગુમાવતા સ્કોર્પિયો ખાડામાં ખાબકી

બનાસકાંઠા જિલ્લાના પાલનપુર -અંબાજી હાઇવે પર મેરવાડા ગામ નજીક સ્કોર્પિયો કારનો અકસ્માત સર્જાયો હતો. જેમાં 2 લોકોને ઇજા થતાં તેઓને સારવાર અર્થે ખસેડાયા હતા.

પ્રાથમિક માહિતી મુજબ સ્કોર્પિયો ચાલકે સ્ટેરિંગ પરથી કાબૂ ગુમાવતા વાહન રસ્તા પરથી ઉતરી ખાડામાં ખાબકી ગયું હતું. આ અકસ્માતમાં કારમાં સવાર બે લોકોને ઈજાઓ પહોંચી હતી. સ્થાનિક લોકોની મદદથી ઈજાગ્રસ્તોને તાત્કાલિક સારવાર માટે નજીકની હોસ્પિટલમાં ખસેડવામાં આવ્યા હતા. અકસ્માતની જાણ થતાં હાઇવે પર લોકોના ટોળેટોળા ઉમટી પડ્યા હતા, જેના કારણે થોડા સમય માટે અફરાતફરીનો માહોલ સર્જાયો હતો. ઘટનાની જાણ થતાં પોલીસ કાફલો સ્થળ પર દોડી આવ્યો હતો અને અકસ્માત અંગે જરૂરી કાર્યવાહી હાથ ધરી વધુ તપાસ શરૂ કરી છે. અકસ્માતનું ચોક્કસ કારણ જાણવા પોલીસ તપાસ કરી રહી છે.